Creu Dogfennau

Gallwch greu cynnwys sy'n cyfuno amrywiaeth o ddeunyddiau i'w gweld gyda'i gilydd, megis testun, eitemau amlgyfrwng ac atodiadau.

Gallwch greu dogfen neu eitem o gynnwys o gyfuniad o elfennau gweledol neu destun. Gall dogfen fod mor syml ag un llinell o destun neu gyfuniad o elfennau. 

Er enghraifft, fel un ddogfen, gallwch gynnwys testun cyflwyniadol ar gyfer gwers, delwedd y gall eich myfyrwyr ei gweld a rhyngweithio â hi, a dolenni i adnoddau ar y we. Caiff y deunyddiau eu cyflwyno gyda'i gilydd yn y rhestr o gynnwys. Yr hiraf eich eitem o gynnwys, y mwyaf bydd rhaid i'ch myfyrwyr sgrolio i weld yr holl ddeunyddiau eraill yn yr ardal gynnwys.

Crëir dogfennau gydag amrywiaeth o fathau o flociau. Mae llawer o opsiynau ar gyfer dylunio cynnwys ac mae gennych reolaeth dros amrywiaeth o elfennau gweledol. 

Mae mynediad i Ddogfennau yn cael eu pennu gan rolau cwrs. Mae gan y rolau cwrs canlynol y fraint o olygu Dogfen:

• Cwrs/Sefydliad (Meysydd Cynnwys) > Golygu Deunyddiau

Mae gan y rolau cwrs canlynol y fraint o ychwanegu, golygu neu ddileu Gwiriadau Gwybodaeth mewn Dogfen:

• Panel Rheoli Cwrs/Sefydliad (Offer) > Profion, Arolygon, a Chronfeydd > Profion
• Panel Rheoli Cwrs/Sefydliad (Offer) > Profion, Arolygon a Chronfeydd > Profion > Adeiladu Prawf
• Panel Rheoli Cwrs/Sefydliad (Offer) > Profion, Arolygon a Chronfeydd > Profion > Dileu Prawf

Ar y dudalen hon, gallwch ddysgu am: 

• Greu Dogfen
• Gwirydd Hygyrchedd Ultra (Wedi'i bweru gan Ally)
• Golygu, aildrefnu a dileu Dogfennau
• Creu cynlluniau Dogfen
• Ychwanegu sain a fideo gyda Video Studio
• Deall beth sy'n digwydd yn ystod copïo a mewngludo

Ychwanegu cynnwys

Gallwch ddylunio Dogfennau drwy ddewis o amrywiaeth o fathau o flociau. 

• Bloc cynnwys 
  Ychwanegu cynnwys drwy'r golygydd cynnwys.
• Bloc HTML 
  Ychwanegu cynnwys trwy HTML neu CSS yn y Ddogfen. Sylwch nad yw Dogfennau yn cynnal llywio angor.
• Bloc gwirio gwybodaeth
  Ychwanegu gwiriad gwybodaeth. Mae gwiriadau gwybodaeth yn profi dealltwriaeth myfyrwyr o ddogfen trwy ofyn cwestiwn amlddewis neu gwestiwn ateb lluosog. Mae gwiriadau gwybodaeth yn cynnwys:
  • Adborth: Gallwch ddarparu adborth ar atebion cywir ac anghywir ymlaen llaw.
  • Rhyngweithiad myfyrwyr: Bydd myfyrwyr yn cael adborth ar unwaith i roi gwybod iddynt a yw eu hateb yn gywir neu'n anghywir. Mae gwiriadau gwybodaeth yn caniatáu ymdrechion diderfyn.
  • Metrigau: Mae gennych fynediad i fetrigau manwl am sut mae myfyrwyr yn ymgysylltu â'r gwiriad gwybodaeth.
• Bloc uwchlwytho ffeiliau 
  Pori am ffeiliau ar y peiriant lleol i'w lanlwytho i'r Ddogfen. 
  Gall gweinyddwyr ddiffinio maint mwyaf ffeil y gall defnyddwyr ei lanlwytho.
• Bloc uchlwytho Cwmwl 
  Mewngofnodwch i wasanaeth cwmwl a dewiswch ffeil i'w hychwanegu i mewn i'r Ddogfen.
• Bloc Casgliad o Gynnwys 
  Porwch y Casgliad o Gynnwys a dewiswch ffeil i'w hychwanegu at y Ddogfen.
• Bloc delwedd
  Ychwanegu delwedd. Gallwch hefyd lanlwytho delwedd o’ch dyfais. Os yw'ch sefydliad yn defnyddio'r nodwedd AI Design Assistant, gallwch hefyd gynhyrchu delweddau neu ddewis delweddau stoc o Unsplash. Gallwch chi hefyd ddewis rhoi pennawd i ddelweddau.
• Bloc Sain/Fideo
  Recordio camera, sain, sgrin, neu sain a sgrin. Gallwch hefyd uwchlwytho ffeil fideo neu sain o'ch dyfais.
• Bloc rhannwr
  Ychwanegu rhannwr y gellir newid ei faint rhwng blociau.
• Trosi bloc ffeil 
  Porwch am ffeiliau ar eich peiriant lleol. Pan fydd wedi'i dewis, bydd y system yn trosi'r ffeil i fformat y Ddogfen. Mae mathau o ffeiliau a gefnogir yn cynnwys ffeiliau PDF, PowerPoint (ppt, pptx, pps), a Word (doc, docx, odt). Dylid adolygu cynnwys wedi'i drosi am gywirdeb.
  Sylwch: Yn y datganiad hwn, mae'r opsiwn i drosi ffeil ar gael yn y prif fan awduro yn unig. Yn y panel Ychwanegu Cynnwys (y ddewislen +), nid yw'r opsiwn i drosi ffeil yn ymddangos. Byddwn yn newid hyn mewn datganiad yn y dyfodol. 

Gallwch hefyd agor y panel ar y chwith drwy ddewis y + a dewis y bloc o'ch dewis. 

Gallwch hefyd ddefnyddio’r golygydd i sefydlu delweddau ac atodi ffeiliau ynghyd â’ch testun. I ddefnyddio'ch bysellfwrdd i neidio i far offer y golygydd, pwyswch ALT + F10. Ar Mac, pwyswch Fn + ALT + F10. Defnyddiwch fysellau'r saethau i ddewis opsiwn, megis rhestr â rhifau.

Bar dewislen y ddogfen

Bydd bar y ddewislen yn parhau i fod i'w weld wrth i chi sgrolio'r Ddogfen i weld, ychwanegu neu olygu cynnwys. Bydd bar y ddewislen yn cynnwys yr opsiwn Golygu pan fydd yn y cyflwr gweld. Ar ôl dewis Golygu, mae bar y ddewislen yn dangos yr opsiynau canlynol: 

• Golygu
• Ychwanegu Blociau
• Dad-wneud/Ail-wneud
• Canslo
• Cadw 

Ailfeintio a symud blociau 

Gallwch greu cynlluniau apelgar drwy ailfeintio a llusgo/gollwng blociau i golofnau a rhesi. 

• Mae pob rhes yn cynnwys dewislen ag opsiynau i symud neu ddileu'r bloc.
• Mae pob bloc yn cynnwys dewislen ag opsiynau i olygu, symud neu ailfeintio, neu ddileu'r bloc. 

Os ydych chi'n creu colofnau, byddant yn troi'n rhesi yn y wedd symudol. Bydd y colofnau yn cwympo'n rhesi o'r chwith i'r dde.

Steilio blociau

Gallwch steilio bloc i gael lliwiau ac eiconau sy'n nodi pwrpas y bloc. Mae'r opsiynau steilio yn cynnwys:

• Cwestiwn
• Awgrym
• Pwyntiau allweddol
• Camau nesaf

Argraffu Dogfennau

Mae gennych yr opsiwn i argraffu Dogfen. Pan fyddwch chi'n argraffu Dogfen, mae'r Ddogfen yn argraffu fel y'i dangosir ar borwr gwe bwrdd gwaith, hyd yn oed os ydych chi ar ddyfais symudol.

• Ar gyfer hyfforddwyr, mae blociau gwiriad gwybodaeth yn argraffu gyda'r holl opsiynau cwestiwn ac ateb.
• I fyfyrwyr, mae blociau gwybodaeth yn argraffu yn yr un ffordd ag y maen nhw ar y dudalen Dogfen pan fydd y myfyriwr yn dewis argraffu.
• Mae pob bloc arall yn argraffu fel y'i dangosir y tu allan i'r modd gwylio. 

Yn dibynnu ar faint rhai cynnwys (er enghraifft, delweddau), gall eitemau symud i'r dudalen nesaf yn dibynnu ar gynllun a graddfa'r dudalen.

Cynhyrchu delweddau'n awtomatig

Os yw eich sefydliad wedi troi'r Nodwedd AI Design Assistant ymlaen, gallwch fewnosod delweddau a gynhyrchir gan AI neu ddelweddau stoc yn uniongyrchol yn y golygydd testun drwy ddewis y botwm Delwedd. Ewch i'r pwnc "AI Design Assistant" i ddysgu mwy am y nodwedd.

Pan fyddwch yn defnyddio Unsplash, bydd y termau chwilio yn cael eu llenwi'n awtomatig yn seiliedig ar eich testun. Gallwch ddewis y botwm X a defnyddio'ch termau chwilio eich hun pe byddai'n well gennych.

Gyda'r AI Design Assistant, gallwch gynhyrchu delwedd i'w mewnosod yn eich testun. Rhowch ddisgrifiad ar gyfer eich delwedd ac wedyn dewiswch Cynhyrchu.

Gall myfyrwyr lanlwytho delweddau yn unig ac ni allant gynhyrchu delweddau na defnyddio Unsplash.

Addasu ymddangosiad delwedd

Ar ôl i chi ddewis delwedd i'w mewnosod, dewiswch Nesaf. Gallwch nawr addasu sut mae'r ddelwedd yn ymddangos yn y testun.

Gallwch ddewis cymhareb agwedd ar gyfer y ddelwedd. Gallwch gadw'r gymhareb agwedd wreiddiol, neu ei throsi i arddangosfa tirwedd neu ddarlun. Mae'r llinellau grid gwyn yn dangos i chi pa ran o'r ddelwedd wreiddiol a gaiff ei dangos ar sgriniau.

Hefyd, mae gennych yr opsiwn i addasu'r llithrydd i nesáu neu bellhau, a gallwch ddewis a llusgo'r llinellau grid i newid y ffocws.

Dewiswch Nesaf pan fyddwch yn barod i fewnosod y ddelwedd.

Mae'n ofynnol i chi roi enw arddangos. Rydym yn argymell ychwanegu testun amgen hefyd, i wneud y ddelwedd yn hygyrch i ddefnyddwyr sy'n defnyddio darllenyddion sgrin.

Yn ddiofyn, gall defnyddwyr weld a lawrlwytho'r ddelwedd. Os dewiswch Lawrlwytho yn unig ar gyfer y ddelwedd, dangosir dalfan ar sgriniau defnyddwyr nes bod defnyddwyr yn lawrlwytho'r ddelwedd.

Gwelededd y ddogfen

• Dangos neu guddio'r ddogfen. Nid yw myfyrwyr yn gallu gweld dogfen tan i chi dewis ei dangos. Gallwch greu'ch holl gynnwys ymlaen llaw a dewis beth rydych chi am i fyfyrwyr ei weld yn seiliedig ar eich amserlen. Gallwch hefyd bennu amodau argaeledd yn seiliedig ar ddyddiad, amser a pherfformiad ar eitemau eraill yn llyfr graddau'r cwrs. Ar dudalen Cynnwys Cwrs, gall y myfyrwyr weld pryd y bwriedir cyhoeddi’r prawf.

Gosodiadau'r ddogfen

• Caniatáu sgyrsiau dosbarth. Beth os oes gan eich myfyrwyr gwestiynau? Gallwch ganiatáu sgyrsiau o fewn dogfen, ac mae unrhyw yn gallu cyfrannu. Dewiswch Gosodiadau i agor panel Gosodiadau'r Ddogfen a dewiswch flwch ticio sgyrsiau. Wrth i'r sgwrs ddatblygu, mae'n ymddangos gyda'r ddogfen yn unig.

  Mwy ar sgyrsiau

• Ychwanegu nodau a safonau. Gallwch chi a'ch sefydliad ddefnyddio nodau i fesur cyflawniad myfyrwyr ar draws rhaglenni a chwricwla. Pan fyddwch yn creu dogfen, gallwch gydgyfeirio un nod neu nodau lluosog. Yn y ddogfen, dewiswch Gosodiadau. Dewiswch Cydgyfeirio â nodau i chwilio am nodau sydd ar gael i'w cydgyfeirio â'r ffeil. Ni fydd myfyrwyr yn gallu gweld y nodau y byddwch yn eu cydgyfeirio â dogfen.

  Rhagor am sut i gydgyfeirio nodau â chynnwys cwrs

• Ychwanegu disgrifiad dewisol. Bydd y disgrifiad yn ymddangos â theitl y ddogfen ar dudalen Cynnwys y Cwrs. Dyma ble y gallwch roi mwy o wybodaeth am y ddogfen i fyfyrwyr neu roi cyfarwyddiadau ychwanegol.  

  Hyd mwyaf disgrifiad yw 750 nod.

Cyfrif geiriau yn y golygydd

Wrth i chi roi testun yn y golygydd, mae'r cyfrif geiriau yn ymddangos dan y golygydd. Ar ôl i chi gadw, nid ymddengys y cyfrif geiriau bellach.

Cynhwysir yr eitemau hyn yn y cyfrif geiriau:

• Geiriau unigol
• Dolenni Gwe
• Testun yn rhestrau â bwledi neu rifau, ond ni chynhwysir y bwledi neu rifau eu hunain
• Testun uwchysgrif ac isysgrif nad yw'n rhan o air arall

Nid yw'r eitemau nac elfennau ffurfweddu hyn yn effeithio ar y cyfrif geiriau:

• Delweddau, fideos ac atodiadau ffeil
• Fformiwlâu mathemateg
• Bylchau a llinellau gwag
• Testun amgen

Pan ddefnyddiwch atalnodi i atodi geiriau neu rifau, bydd effaith ar y cyfrif. Er enghraifft, caiff "Aethom ni...heboch chi" ei gyfrif fel tri gair. Cyfrifir y geiriau neu rifau ar bob ochr i'r atalnodi fel un gair.

Golygu, aildrefnu a dileu dogfennau

Gallwch wneud newidiadau i ddogfennau sydd eisoes yn bodoli a newid lle maen nhw'n yn ymddangos ar eich tudalen Cynnwys y Cwrs. Dewiswch res y ddogfen rydych am ei symud a'i llusgo i leoliad newydd. Gallwch hefyd symud dogfen i mewn i ffolder ehangedig.

Gallwch ddefnyddio'ch bysellfwrdd i symud dogfen.

1. Tabiwch i fotwm Symud eitem.
2. Pwyswch Enter i alluogi’r modd symud.
3. Defnyddiwch y bysellau saethau i ddewis lleoliad.
4. Pwyswch Enter i ollwng yr eitem yn y lleoliad newydd.

Mewn rhes dogfen, agorwch y ddewislen a dewiswch Golygu neu Dileu.

Dileu Dogfennau

Gallwch ddileu dogfen o'ch cwrs neu ei chuddio rhag myfyrwyr er mwyn cadw'r wybodaeth. Nid yw myfyrwyr yn gallu cael mynediad at aseiniadau cudd ar dudalen Cynnwys y Cwrs.

Golygu Dogfennau a ffeiliau amlgyfrwng

Yn seiliedig ar elfen y ddogfen, gallwch ei symud, ei olygu, ei dileu neu ei lawrlwytho.

Agorwch ddewislen elfen er mwyn cael mynediad at yr opsiynau. Pwyswch y botwm Symud i symud elfen i leoliad newydd ar dudalen y ddogfen.

Dewiswch yr arwydd plws lle bynnag rydych chi eisiau ychwanegu ffeil neu floc testun arall ar dudalen y ddogfen.

Opsiynau gweld ffeiliau amlgyfrwng

Os yw'ch porwr yn caniatáu ffeiliau amlgyfrwng mewnol, mae'r ffeiliau amlgyfrwng a ychwanegwch at Ddogfennau'n ymddangos yn fewnol yn ddiofyn. Fel arall, maen nhw'n ymddangos fel atodiad.

Mae delweddau sy’n ymddangos yn fewnol wedi'u plannu mewn bloc 768 picsel ar y torbwyntiau mwyaf. Yr agosaf yw'r delweddau i'r maint hwnnw, y lleiaf o badin sy'n ymddangos o'u hamgylch.

Gallwch hefyd ychwanegu testun amgen i ddisgrifio'r delweddau a ychwanegwch. Caiff y testun amgen ei darllen yn uchel gan ddarllenwyr sgrin ac mae'n helpu disgrifio beth nad yw rhai defnyddwyr yn gallu gweld.

Gallwch olygu gosodiadau'r ffeil, gan gynnwys yr enw arddangos, y testun amgen, a'r ymddygiad arddangos. Dewiswch a ydych am fewnosod y ffeil fel dolen yn y golygydd neu blannu'r ffeil yn uniongyrchol er mwyn iddi ymddangos gyda'r cynnwys arall rydych wedi ei ychwanegu. I olygu testun amgen neu ymddygiad dangos y ffeil, dewiswch y ffeil yn y golygydd ac wedyn dewiswch Golygu Atodiad.

Yn y rhan fwyaf o borwyr, gallwch ddewis y lleoliad mae’r ffeiliau rydych yn eu hagor mewn cyrsiau yn cael eu lawrlwytho iddo. Er enghraifft, yn Chrome, llywiwch i Settings > Advanced > Downloads. Gallwch ddewis y lleoliad ar gyfer lawrlwytho ffeiliau a dewis a ydych am i'r porwr ofyn bob tro. Yn Safari, mae gennych yr un galluoedd. Llywiwch i Preferences > General > File download location. Gallwch chwilio ar y rhyngrwyd i ddysgu am ddewisiadau lawrlwytho ffeiliau mewn porwyr eraill.

Deall beth sy'n digwydd yn ystod copïo a mewngludo

Gallwch fewngludo cwrs neu gopïo'r holl gynnwys o un o'ch cyrsiau ar y system i gwrs arall. Caiff y cynnwys newydd ei ychwanegu at ddiwedd rhestr cynnwys y cwrs rydych ynddo.

Wrth gopïo dogfen â gwiriad gwybodaeth o'r panel Gweinyddu, mae'n rhaid copïo'r cwrs cyfan. Ni chefnogir copi gronynnog ar gyfer gwiriadau gwybodaeth o'r panel Gweinyddu, ond gallwch wneud copïau gronynnog o'ch cwrs.

Rhagor am fewngludo cynnwys

Rhagor am gopïo cwrs neu gopïo cynnwys o gyrsiau Ultra eraill

Pan fyddwch yn mewngludo cynnwys Gwreiddiol neu'n dewis cael rhagolwg o'ch cwrs Gwreiddiol yng Ngwedd Cwrs Ultra, caiff eitemau cynnwys eu trosi i Ddogfennau. Bydd unrhyw destun, atodiadau a dolenni a ychwanegoch yn y golygydd yn cael eu trosi a bydd ffeiliau amlgyfrwng yn agor yn fewnol yn ddiofyn. Bydd ffeiliau a ychwanegoch fel atodiadau yn yr adran ar ôl y golygydd Gwreiddiol yn cael eu grwpio gyda'i gilydd yn nhrefn yr wyddor ar ddiwedd y ddogfen. Bydd ffeiliau amlgyfrwng yn agor yn fewnol yn ddiofyn. Gallwch olygu delweddau, fideos a ffeiliau sain i newid y drefn ddiofyn a gallwch newid teitl unrhyw ffeil. Bydd angen i fyfyrwyr lawrlwytho rhai mathau o gynnwys er mwyn eu gweld.

Mwy am eitemau cynnwys Gwreiddiol

Adolygwch y ddogfen oherwydd efallai bydd ychydig o'r fformatio wedi cael ei golli yn ystod y broses o drosi. Er enghraifft, os ychwanegoch chi deitl at un o'ch ffeiliau yn y Wedd Cwrs Wreiddiol, efallai na fydd y teitl yn ymddangos yn Ultra. Gallwch olygu'r ffeil i newid enw'r ffeil. Gallwch aildrefnu'r eitemau yn y ddogfen yn ôl yr angen.