Rydym yma i'ch helpu i ddod o hyd i'r hyn rydych yn edrych amdano.
Gallwch weld yr help ar gyfer unrhyw gynnyrch a chynulleidfa heb fewngofnodi. Mae chwilio addasol a thagio yn eich helpu i ddod o hyd i atebion eich cwestiynau.
Sut ydwyf yn dod o hyd i'r wybodaeth sydd ei hangen arnaf?
Mae gennych rai opsiynau i ddod o hyd i'r hyn rydych yn edrych amdano.
- Dewiswch gynnyrch, gynulleidfa neu bwnc o'r ddewislen llywio.
- Dywedwch wrthym pa fath o help rydych yn edrych am. Mae hyn yn ddefnyddiol os nad ydych yn gwybod enw eich cynnyrch.
- Chwiliwch am air neu ymadrodd, yna lleihewch y canlyniadau yn ôl cynnyrch neu gynulleidfa.
I'ch helpu i wybod lle rydych, amlygir y dudalen a ddewiswch yn y ddewislen.
Sut ydwyf yn mewngofnodi i help.blackboard.com?
Does dim angen i chi! Mae ein gwybodaeth i gyd ar gael yn gyhoeddus.
Allwch roi gwybod i fi pan ddiweddarir pwnc?
Gallwch! Tanysgrifio i dudalennau help.blackboard.com sydd o ddiddordeb i chi. Byddwn yn anfon neges e-bost pan fyddwn yn eu diweddaru.
I ddilyn tudalen, sgroliwch i waelod y dudalen. Teipiwch eich cyfeiriad e-bost a dewiswch Dilyn. Ar ôl i chi gofrestru, gallwch ddilyn tudalennau ychwanegol. Dewiswch Rheoli Eich Tudalennau i newid eich dewisiadau hysbysiadau.
Pan fyddwn yn diweddaru tudalen, byddwch yn derbyn hysbysiad trwy e-bost gyda dolen i'r dudalen. Ni allwn rannu manylion am newidiadau i’r cynnwys mewn hysbysiadau trwy e-bost ar yr adeg hon.
Ni chefnogir y nodwedd Dilyn Tudalennau yn Internet Explorer. Defnyddiwch borwr arall.
Allaf weld yr help yn fy iaith fy hun?
Mae mwyafrif y cynnwys ar y safle cymorth ar gael mewn 15 iaith ar wahân i'w iaith wreiddiol, Saesneg (en-us). Os yw'ch porwr wedi'i osod i iaith a gefnogir gan y safle, byddwch yn gweld elfennau'r safle yn eich iaith eich hun ac ychydig o'r cynnwys cymorth yn eich iaith eich hun.
I newid yr iaith, dewiswch iaith o dop y dudalen.
Cynnwys ar gael mewn amryw ieithoedd
- Ally
- Ap Blackboard
- Blackboard Instructor
- Collaborate: Profiad Ultra
- Learn
- SafeAssign
- Ynghylch Help
- Hygyrchedd
- Adnoddau Cleientiaid
- Diogelwch Cynnyrch
Yr ieithoedd sydd ar gael
Gall cynnwys myfyrwyr a hyfforddwyr, yn ogystal â chynnwys nad sy'n ymwneud â chynnyrch, fod ar gael yn yr ieithoedd canlynol gan ddibynnu ar y marchnadoedd lle gwerthir y cynnyrch.
- Arabeg (ar-sa)
- Catalaneg (ca-es)
- Tsieinëeg, Syml (zh-hans)
- Iseldireg (nl-nl)
- Saesneg (en-us)
- Ffinneg (fi-fi)
- Ffrangeg (fr-fr)
- Almaeneg (de-de)
- Hebraeg (he)
- Japaneg (ja-jp)
- Eidaleg (it-it)
- Corëeg (ko-kr)
- Norwyeg Bokmål (nb-no)
- Portiwgaleg Brasil (pt-br)
- Rwsieg (ru-ru)
- Sbaeneg (es-es)
- Swedeg (sv-se)
- Tyrceg (tr-tr)
- Cymraeg (cy-gb)
Mae cynnwys gweinyddwyr ar gael yn yr ieithoedd canlynol yn unig.
- Arabeg (ar-sa)
- Iseldireg (nl-nl)
- Saesneg (en-us)
- Ffrangeg (fr-fr)
- Japaneg (ja-jp)
- Portiwgaleg Brasil (pt-br)
- Rwsieg (ru-ru)
- Sbaeneg (es-es)
Eithriadau
Mae'r cynnwys canlynol ar gael yn Saesneg (en-us) ac yn Sbaeneg (es-es) yn unig.
- Nodiadau Rhyddhau ar gyfer Collaborate: Profiad Ultra
- Nodiadau Rhyddhau ar gyfer defnyddiau hunan-letya a lletya a reolir Learn
- Nodiadau Rhyddhau ar gyfer defnyddio Learn SaaS
Mae rhai o gynnwys gweinyddwyr ar gyfer defnyddiau hunan-letya a lletya a reolir Blackboard Learn ar gael yn Saesneg (en-us) yn unig).
- Pensaernïaeth
- Dilysu
- Copi wrth gefn ac adfer
- Offer y Llinell Gorchymyn
- Cronfeydd Data
- Cychwyn Arni gyda Gweinyddiaeth y Gweinydd
- Gosod neu uwchraddio
- Logiau
- Asesu Canlyniadau
- Optimeiddio perfformiad
- Diogelwch
- Integreiddiad systemau
- Adroddiadau
Ydw i'n gallu cael y cynnwys mewn fformatau eraill?
Ydych. Gallwch wneud unrhyw un o'r canlynol:
- Argraffu dogfennau PDF yn uniongyrchol o'r safle trwy ddewis eicon yr argraffydd yn y bar llwybr byr neu trwy bwyso Ctrl +P (Windows) neu Command + P (Mac). Yna, gallwch argraffu'r dogfennau PDF i gael copïau caled neu drosi'r dogfennau PDf rydych yn eu creu i Word neu HTML gan ddefnyddio offeryn trydydd parti.
- Creu dolen at dudalennau trwy gopïo URL y dudalen.
- Copïo'r testun yn uniongyrchol o'r dudalen HTML.
- "Drychweddu'r safle gan ddefnyddio offeryn pry cop megis HTTrack (ar gael yn Saesneg a Ffrangeg yn unig) neu SiteSucker (ar gael yn Saesneg yn unig). Gallwch wedyn olygu'r cynnwys a lletya'r ffeiliau eich hun.
- Creu dogfennau Word® o'r tudalennau help gan ddefnyddio estyniadau porwyr megis Save Webpage As Word Doc extension for ChromeTM.
Gweinyddwyr: I ddysgu mwy am greu dolenni i'ch cynnwys yn hytrach na'r wefan hon mewn defnyddiau Blackboard Learn a hunan-letyir neu a reolir, gweler Personoli'r Profiad Help.
Sut ydwyf yn darparu adborth am y safle Help?
Nid oes gan Blackboard fynediad at wefan Blackboard eich sefydliad, felly ni allwn eich helpu gyda materion sy’n ymwneud â dosbarthiadau neu'r wefan yn benodol. Bydd rhaid i chi gysylltu â'ch hyfforddwr neu ddesg gymorth TG eich sefydliad. Os nad ydych yn gwybod sut i gysylltu â'r ddesg gymorth, chwiliwch ar Google am enw eich sefydliad + desg gymorth neu gymorth TG.
I roi adborth am dudalen benodol, copïwch URL y dudalen (y ddolen i'r dudalen) a'i gyflwyno gyda’ch sylwadau ar ein tudalen Cysylltu â ni. Mae’r wybodaeth hon yn mynd yn uniongyrchol at y timau sy’n rheoli’r wefan gymorth a’i chynnwys.
Os dewch ar draws dolen doredig i Blackboard Help o wefan Blackboard eich sefydliad, gallwch gyflwyno ble rydych wedi gweld y ddolen doredig (yn cynnwys sgrinlun os yn bosibl) gyda’ch sylwadau ar ein tudalen Cysylltu â ni. Ni all Blackboard drwsio dolenni toredig ar wefan eich sefydliad.
Sut ydwyf yn diweddaru fy nolenni i'r safle Help blaenorol?
Diweddarodd Blackboard y safle help hwn (help.blackboard.com) i system rheoli cynnwys newydd yn seiliedig ar Drupal ar Ebrill 5, 2017.
O safbwynt ymarferol, ni newidiodd profiad y defnyddiwr. Mae dyluniad y pen blaen bron union yr un fath â'r hen safle help, a dylai defnyddwyr sy'n cyrraedd o ddolen y tu mewn i Ryngwyneb Defnyddiwr eu cynnyrch dal i ddod i'r lleoliad cywir. Yn y cefn, mae'r isadeiledd newydd yn helpu darogan a chofio dewisiadau cynnyrch defnyddiwr, sy'n cyflwyno cynnwys mwy defnyddiol i ddefnyddwyr.
NID yw rhai o "hen" ddolenni help Learn yn gweithio fel y disgwylir ar y safle newydd. Yn hytrach na phwyntio at dudalen benodol, maen nhw nawr yn pwyntio at y dudalen lanio gywir yng nghangen fwyaf newydd Learn.
Mae'r help Learn newydd yn "agnostig o ran fersiwn", sy'n golygu ein bod wedi ailysgrifennu'r cynnwys i gynnwys help ar gyfer profiadau a gweddau cwrs Ultra a Gwreiddiol. Mae popeth sydd ei angen arnoch chi a'ch defnyddwyr ar gyfer unrhyw fersiwn o Learn yn y lleoliad hwn. Dyma'r unig help Learn ar y safle newydd. Nid yw dogfennaeth help hŷn Learn 9.1 ar gael bellach.
I ddiweddaru dolenni, bydd angen i chi ddiweddaru unrhyw "hen" ddolenni i ddefnyddio'r gangen fwyaf newydd o Help Learn.
Esiampl o URL "hŷn" sy'n ailgyfeirio at brif dudalen lanio Learn ar help.blackboard.com/Learn:
- https://en-us.help.blackboard.com/Learn/9.1_Older_Versions/9.1_2014_and_2015
Esiampl o URL "hŷn" sy'n ailgyfeirio at brif dudalen lanio Learn i fyfyrwyr ar help.blackboard.com/Learn/Student:
- https://en-us.help.blackboard.com//Learn/9.1_Older_Versions/9.1_SP_14/Student/015_Browser_Support
Rhaid i chi ddiweddaru'r dolenni hyn er mwyn defnyddio'r URL ar gyfer y dudalen gywir yn help.blackboard.com/Learn.
Sut ydw i'n dod o hyd i ddolenni help newydd Learn?
Rydym wedi creu rhestr o'r URLs diweddaraf ar gyfer y 30 pwnc help Learn a Collaborate yr ymwelir â hwy fwyaf ar gyfer hyfforddwyr a myfyrwyr. Gall hyn eich helpu i ddiweddaru'ch dolenni os nad ydych eisoes wedi gwneud hynny.
Cwestiynau?
Cyflwynwch eich cwestiynau ar ein tudalen Cysylltu â ni.
