Eich sefydliad sy'n rheoli pa offer sydd ar gael yn y Wedd Cwrs Gwreiddiol. Mae'r cyfeirebau ar gael i hyfforddwyr ar bob adeg yng Ngwedd Cwrs Ultra.
Graddio â chyfarwyddyd
Gallwch greu cyfarwyddyd, ei gysylltu ag asesiad neu drafodaeth, a'i ddefnyddio ar gyfer graddio. Bydd y cyfarwyddyd yn ymddangos ar dudalen yr aseiniad neu drafodaeth a ddewisoch. Sylwer bod dim ond modd cysylltu un cyfarwyddyd â phob eitem ar hyn o bryd. Ni allwch gysylltu cyfarwyddyd ag aseiniad sy'n cynnwys cwestiynau ar yr adeg hon.
I ddechrau graddio asesiad, ewch i'r Llyfr Graddau a dewiswch yr asesiad i'w raddio. Dewiswch y ddolen Cyflwyniadau. Ar y dudalen Cyflwyniadau, dewiswch enwau'r myfyrwyr i gyrchu eu cyflwyniadau unigol a’r cyfarwyddyd.
Os ydych wedi galluogi graddio cyfochrog, ni allwch chi neu’ch myfyrwyr weld cyfarwyddiadau ac anodiadau graddwyr yn ffeiliau myfyrwyr. Mae myfyrwyr dim ond yn gweld y cyfarwyddydau ac anodiadau mae’r graddwr terfynol—sef y cysonwr—yn eu darparu.
Ar dudalen cyflwyniad y myfyriwr, mae'r bilsen radd yn dangos eicon cyfarwyddyd. Dewiswch y bilsen radd i agor y cyfarwyddyd yn y panel wrth ochr gwaith y myfyriwr.
Gallwch neilltuo lefel perfformiad ar gyfer pob maen prawf drwy ddewis y bilsen sgôr ddymunol. Wrth i chi ddewis lefel perfformiad, diweddarir pilsen radd y cyfarwyddyd. Gallwch ddad-ddewis lefel perfformiad a dewis un arall os byddwch yn newid eich meddwl wrth raddio.
Defnyddiwch yr eiconau saethau i gwympo neu ehangu unrhyw faen prawf. Gallwch wneud hyn hyd yn oed os yw'r maen prawf eisoes wedi'i sgorio.
Cuddir disgrifiadau lefel perfformiad yn ddiofyn. I'w gweld, defnyddiwch y switsh toglo Dangos disgrifiadau.
Gallwch lywio rhwng meini prawf y cyfarwyddyd gan ddefnyddio bysell tab eich bysellfwrdd a dewis lefel perfformiad gan ddefnyddio'r bysellau saeth i fyny ac i lawr.
I roi adborth ar gyfer meini prawf unigol, defnyddiwch y blwch testun ym mhob maen prawf. Nid oes cyfyngiad ar y nifer o nodau ar gyfer adborth ysgrifenedig. Mae'r golygydd yn olygydd testun plaen
Cedwir sgôr y cyfarwyddyd a'r adborth yn awtomatig wrth i chi wneud dewisiadau. Dewiswch yr X i gau panel y cyfarwyddyd. Bydd y radd rydych yn ei neilltuo gan ddefnyddio’r cyfarwyddyd yn ymddangos ar dudalen cyflwyniad y myfyriwr ac yn y llyfr graddau.
Ar gyfer cyfarwyddiadau ystod-canran, mae gan bob lefel perfformiad ystod o werthoedd. Pan fyddwch yn graddio, dewiswch y lefel ganran briodol ar gyfer pob lefel perfformiad. Mae’r system yn cyfrifo’r pwyntiau a enillwyd drwy luosi pwysau, canran gyrhaeddiad, a phwyntiau’r eitem.
Rhoi adborth am yr ymgais yn gyffredinol
Ar dudalen cyflwyniad y myfyriwr, dewiswch yr eicon adborth i agor y panel Adborth. Teipiwch nodiadau ac adborth ar gyfer y myfyriwr a'u cadw. Nid oes cyfyngiad ar y nifer o nodau wrth roi adborth. Mae'r golygydd yn olygydd testun plaen.
Pan fyddwch yn barod i'r myfyriwr weld y radd, agorwch y ddewislen a dewiswch Cyhoeddi. Os ydych eisiau rhoi ymgais arall i'r myfyriwr, dewiswch Dileu, a chaiff y cyflwyniad ei ddileu am byth.
Gallwch ddychwelyd i’r eitem ar unrhyw adeg i newid y radd, hyd yn oed ar ôl i chi ei chyhoeddi.
Ar ôl i chi ddefnyddio cyfarwyddyd ar gyfer graddio, ni allwch ei olygu, ond gallwch wneud copi y gallwch ei olygu a’i ailenwi.
Ailddefnyddio Cyfarwyddiadau
Gallwch ailddefnyddio cyfarwyddiadau i arbed amser drwy eu copïo i gwrs. Dewiswch y ffolder Cyfarwyddiadau o'r ddewislen Copïo Cynnwys yn eich cwrs a thiciwch y blychau ticio i ddewis y cyfarwyddiadau yr hoffech eu copïo.
Mae Cyfarwyddiadau a gopïwyd yn ymddangos yn ardal Gosodiadau'r Llyfr Graddau. Dewiswch Llyfr Graddau, dewiswch eicon y gêr yn y gornel dde uchaf, ac adolygwch bob cyfarwyddyd yn yr adran Cyfarwyddiadau Cwrs.
Gwedd myfyrwyr o gyfarwyddiadau
Ar ôl i chi raddio eitemau a chyhoeddi’r canlyniadau, gall myfyrwyr weld eu sgoriau ar eu tudalennau graddau neu yn y ffrwd gweithgarwch. Gallant hefyd gyrchu eitem wedi’i graddio ar dudalen Cynnwys y Cwrs i adolygu eu cyflwyniadau, y cyfarwyddyd, eich adborth, a’u graddau.
Rhagor am aseiniadau a’r ffrwd gweithgarwch
Pan fydd myfyrwyr yn edrych ar eu cyflwyniadau wedi’u graddio, gallant ddewis y bilsen radd i agor y cyfarwyddyd wrth ochr eu gwaith. Gall myfyrwyr ehangu maen prawf unigol i adolygu eu lefelau perfformiad. Amlygir y sgoriau a roddwyd.
Gwrthwneud graddau cyfarwyddyd
Mae graddau gwrthwneud yn raddau rydych yn eu neilltuo â llaw. Mae enghraifft yn cynnwys teipio yn y bilsen radd yn y Llyfr Graddau. Mae label gwrthwneud yn ymddangos wrth ochr y radd. Gallwch hefyd wrthwneud pob maen prawf unigol y cyfarwyddyd.
Yn y bilsen gradd, gallwch deipio gwerth rhifol o ddim mwy na phum digid. Gallwch gynnwys dau ddigid ychwanegol ar ôl y pwynt degol.
Ar dudalen Cyflwyniadau y myfyriwr, gallwch ddewis Dadwneud Gwrthwneud wrth ymyl y bilsen radd a chaiff y label gwrthwneud ei dynnu. Ymddengys y radd flaenorol, neu gallwch ddefnyddio'r cyfarwyddyd i raddio.
Graddau a gyhoeddwyd
Os byddwch yn dewis cyhoeddi graddau ac wedyn gwrthwneud y graddau hynny, bydd myfyrwyr yn gweld y graddau a newidiwyd. Ond, os byddwch yn tynnu gradd rydych wedi’i chyhoeddi yn llwyr, ni fydd myfyrwyr bellach yn gweld gradd ar gyfer yr eitem. Bydd yr eitem yn dychwelyd i statws “heb ei raddio”. Ar ôl i chi neilltuo graddau newydd, bydd angen i chi gyhoeddi’r graddau hynny eto.
Cysylltu cyfarwyddyd ar ôl dechrau graddio
Bydd cysylltu cyfarwyddyd ag asesiad ar ôl neilltuo graddau yn gwrthwneud y graddau. Yn y Llyfr Graddau, caiff label gwrthwneud ei ddangos wrth ochr y radd. Ym mhanel Manylion y Cyfarwyddyd, gallwch ddewis ailraddio unrhyw gyflwyniadau wedi’u graddio gan ddefnyddio'r cyfarwyddyd sydd newydd ei gysylltu. Pan fyddwch yn dewis Ailraddio gan ddefnyddio'r cyfarwyddyd, bydd y cyfarwyddyd yn dod yn weithredol, a gallwch ei ddefnyddio i ddarparu graddau. Bydd y graddau newydd yn ymddangos yn y Llyfr Graddau, a thynnir y label gwrthwneud.
Cefnogaeth ar Twitter @BlackboardHelp