Microsoft OneDrive

Creu cynnwys newydd ar gyfer eich cwrs gan ddefnyddio'r integreiddiad OneDrive

Mae Microsoft OneDrive yn eich galluogi i:

• Atodi ffeiliau Office 365 gan gynnwys dogfennau Word, cyflwyniadau PowerPoint ac Excel o'r Golygydd Testun Cyfoethog.
• Gweld a threfnu eich ffeiliau Microsoft Office personol
• Creu cydweithrediadau lle gall aelodau eich cwrs ymgysylltu â'i gilydd mewn amser real
• Creu mynediad darllen yn unig at ffeiliau Office 365 wedi'u plannu yn eich cwrs

Agor ffeil o OneDrive

Mae angen i'ch gweinyddwr gofrestru'r offeryn OneDrive LTI ar gyfer Learn yn y Panel Gweinyddydd, cyn i chi allu defnyddio OneDrive.

Mae Microsoft OneDrive wedi cael ei integreiddio â'ch cyrsiau Blackboard Learn Gwreiddiol ac os yw wedi'i alluogi, bydd yn caniatáu i chi ychwanegu ffeiliau o OneDrive at unrhyw eitem o gynnwys gan ddefnyddio golygydd testun cyfoethog llawn y cwrs Gwreiddiol. Gall y rheini gynnwys, ond nid ydynt yn gyfyngedig i:

• Ffolderi
• Modiwlau Dysgu
• Eitem
• Cynllun Gwers

I ddefnyddio OneDrive, efallai bydd angen i chi fewngofnodi i gyfrif Microsoft i weld a dewis ffeiliau.

Sut i ychwanegu ffeiliau o OneDrive yn eich cwrs

1. Yn eich cwrs Gwreiddiol, ewch i faes cynnwys o ddewislen eich cwrs a dewiswch greu un o'r eitemau a restrir uchod. Os yw eich cynnwys eisoes ar gael, dewiswch Golygu  ar gyfer y cynnwys.
2. O'r Golygydd Testun Cyfoethog a ddangosir, gwnewch yn siŵr bod yr opsiynau ychwanegol wedi'u dangos drwy ddewis yr eicon â thri dot. Dewiswch y symbol plws crwn i ddangos y ddewislen Ychwanegu Cynnwys.
   
3. Dewiswch Atodiad Microsoft OneDrive.
   
4. Os nad ydych wedi mewngofnodi i Microsoft, efallai bydd angen gwneud hynny cyn symud ymlaen. Defnyddiwch wybodaeth eich cyfrif Microsoft arferol a dilynwch y cyfarwyddiadau a ddarparwyd.
5. Unwaith eich bod wedi mewngofnodi, byddwch yn gweld eich lle OneDrive, lle bydd modd i chi ddewis y ffeil yr hoffech ei hychwanegu at eich cwrs.
   
6. Bydd y ffeil yn ymddangos yn y Golygydd Testun Cyfoethog. Dewiswch Cyflwyno i gwblhau'r newidiadau i'ch cynnwys.
7. Bydd dewis enw'r ffeil yn agor y ffeil a bydd yn caniatáu i chi weld y ffeil. Dewiswch Golygu Dogfen  i olygu'r ddogfen yn fyw o fewn Office 365.

Ychwanegir y ffeil fel ffeil wedi'i phlannu a darllen-yn-unig ar gyfer myfyrwyr.

Creu ffeil gydweithredol OneDrive

Mae angen i'ch gweinyddwr gofrestru'r offeryn OneDrive LTI ar gyfer Learn yn y Panel Gweinyddydd, cyn i chi allu defnyddio OneDrive.

Mae dogfennau cydweithredol yn rhoi cyfleoedd i fyfyrwyr gael ymgysylltu â myfyrwyr eraill yn ogystal â chynnwys y cwrs. Fel hyfforddwr, gallwch greu dogfen gydweithredol Microsoft OneDrive yng nghyrsiau Learn Gwreiddiol.

Y mathau o ffeiliau a gefnogir ar gyfer dogfennau newydd yw:

• Microsoft Word
• Microsoft Excel
• Microsoft PowerPoint

Sut i greu ffeil gydweithredol OneDrive

1. Yn eich cwrs Gwreiddiol, ewch i faes cynnwys o ddewislen eich cwrs a dewiswch Creu i greu un o'r eitemau a restrir uchod. Os yw eich cynnwys eisoes ar gael, dewiswch Golygu  i addasu'r cynnwys.
2. O'r Golygydd Testun Cyfoethog a ddangosir, gwnewch yn siŵr bod yr opsiynau ychwanegol wedi'u dangos drwy ddewis yr eicon â thri dot. Dewiswch y symbol plws crwn i ddangos y ddewislen Ychwanegu Cynnwys.
   
3. Dewiswch Creu dogfen OneDrive gydweithredol
   
4. O'r panel a ddangosir, gallwch ddewis Creu ffeil gydweithredol newydd sbon gan ddewis o Word, PowerPoint neu Excel, neu gallwch ddewis Dewis Ffeil sydd Eisoes yn Bodoli i bori eich ffeiliau.
   
5. Dewiswch Cadw unwaith cwblheir y broses.
6. Bydd y ffeil yn ymddangos yn y Golygydd Testun Cyfoethog. Dewiswch Cyflwyno  i gwblhau'r newidiadau i'ch cynnwys.
7. Dewiswch enw'r ffeil i'w hagor, ac i'w gweld. Bydd dewis Golygu Dogfen yn lansio Office 365 ac yn caniatáu i chi olygu mewn amser real.
8. Bydd gan fyfyrwyr ganiatâd i weld a golygu'r ffeil hon hefyd. Gallant ddewis "Golygu Dogfen" i ddechrau cydweithio ar y ddogfen.