Sgroliwch drwy'ch ffrwd newyddion addysgol!
Mae'r ffrwd gweithgarwch sy'n cael ei diweddaru'n barhaus ar eich tudalen Gweithgarwch yn caniatáu i chi neidio'n syth i mewn i weithrediadau cwrs. Nid oes angen i chi bori trwy'r system, chwilio am derfynau amser neu golli aseiniadau.
Eich sefydliad sy'n rheoli pa dudalen rydych yn ymweld ag yn gyntaf ar ôl i chi fewngofnodi.
Derbyn atgoffwyr. Gweld terfynau amser sydd ar ddod neu aseiniadau, profion a thrafodaethau graddedig hwyr.
Gwirio'ch graddau. Pryd bynnag mae'ch hyfforddwr yn graddio aseiniad, prawf neu drafodaeth a raddir, gallwch gael mynediad at y radd ar eich tudalen Gweithgarwch. Os yw'ch hyfforddwr yn diweddaru gradd, caiff y radd ei diweddaru ar eich tudalen Gweithgarwch hefyd.
Dysgwch i jyglo. Cael golwg oddi uchod o'ch tasgau dros bob un o'ch cyrsiau - yna, eu blaenoriaethu!
Hidlo'ch gwedd. Defnyddiwch y ddewislen Hidlo a dewis Dangos Popeth, Aseiniadau a Phrofion, neu Graddau ac Adborth.
Bydd eich cyrsiau'n ymddangos mewn un o ddwy wedd, gan ddibynnu ar yr hyn a ddewisir gan eich hyfforddwyr. Efallai byddwch yn gweld rhai o'r gweithgareddau yn y ffrwd yn y ddwy wedd. I ddysgu mwy, edrychwch ar Llywio Cwrs.
Categorïau gweithgarwch
Mae eitemau gweithgarwch yn eich ffrwd yn cael eu grwpio ym mhedwar categori i'w gwneud yn haws i chi sganio'r rhestr:
Pwysig: Gweld aseiniadau, profion a thrafodaethau graddedig hwyr. Mae’r nifer o eitemau yn yr adran hon yn cyfrannu at y cyfrif a ddangosir ar y dudalen Gweithgarwch yn y rhestr lle mae'ch enw yn ymddangos. Os byddwch yn diystyru eitem yn yr adran hon, ni fyddwch yn gallu ei weld eto hyd yn oed os ydych yn allgofnodi ac yn mewngofnodi eto. Pan fyddwch yn diystyru eitem yn y ffrwd, nid yw hyn yn effeithio ar y cynnwys gwreiddiol. Y cwbl rydych yn gwneud yw tynnu'r hysbysiad o'r dudalen Gweithgarwch.
Ar ddod: Gweld eich pum prif ddigwyddiad sy'n digwydd yn y saith niwrnod nesaf. Dewiswch Dangos Mwy am restr gyflawn. Nid yw'r adran hon yn ymddangos os does dim digwyddiadau ar ddod ar gael.
Heddiw: Gweld popeth sy'n digwydd ac sy'n ddyledus yn y 24 awr nesaf, gan gynnwys cyhoeddiadau ar draws y sefydliad am hysbysiadau a diweddariadau brys. Os yw'ch hyfforddwyr wedi ychwanegu cyhoeddiadau, maen nhw'n ymddangos yma neu yn yr adran Diweddar.
Diweddar: Os nad ydych wedi mewngofnodi am dipyn, gallwch weld eitemau ffrwd a oedd yn yr adran Heddiw yn flaenorol dros y saith niwrnod diwethaf.
Personoli eich tudalen Gweithgarwch
Ar eich tudalen Gweithgarwch, dewiswch yr eicon Gosodiadau i agor y panel Gosodiadau Hysbysiadau. Gallwch gyrchu'r gosodiadau hyn o'ch tudalen broffil hefyd.
Rhagor am eich tudalen proffil.
Mae'r system hysbysiadau ymlaen trwy'r amser yn y profiad Ultra. Gallwch ddewis pa hysybysiadau rydych yn eu derbyn am weithgarwch ym mhob un o'ch cyrsiau Gwreiddiol ac Ultra:
- Hysbysiadau'r ffrwd: Dewiswch ba weithgareddau sy'n ymddangos ar eich tudalen Gweithgarwch.
- E-bost: Os ydych eisiau derbyn hysbysiadau e-bost, ychwanegwch gyfeiriad e-bost at eich tudalen proffil. Wedyn, dewiswch ba mor aml ac am ba weithgareddau rydych eisiau cael hysbysiadau.
- Hysbysiadau gwthio: Bydd negeseuon yn ymddangos ar eich dyfais symudol os ydych wedi gosod ap Blackboard i fyfyrwyr.
Rhagor am osod eich hysbysiadau
Mae'r ddwy wedd cwrs yn ymddangos ar y dudalen Gweithgarwch
Mae'r dudalen Gweithgarwch yn dangos beth sy'n digwydd yn eich cyrsiau, heb ystyried a yw'r cwrs yn defnyddio'r Wedd Cwrs Wreiddiol neu Ultra.
Ar gyfer y Wedd Cwrs Ultra, mae’r digwyddiadau hyn yn sbarduno hysbysiadau ar eich tudalen Gweithgarwch:
- Cyhoeddiadau cwrs a sefydliadol
- Cyrsiau neu gyfundrefnau newydd ar gael
- Mae eich hyfforddwyr wedi ychwanegu cynnwys at eich cyrsiau, megis aseiniadau, profion, trafodaethau, dogfennau, pecynnau SCORM a dolenni
- Eich hyfforddwr wedi postio gradd ar gyfer eich gwaith
- Eich hyfforddwr wedi ychwanegu digwyddiadau at eich cwrs
- Eitemau sy'n ddyledus heddiw
- Eitemau sy'n ddyledus yn fuan
- Eitemau sy'n hwyr
- Pethau sy'n digwydd heddiw
- Digwyddiadau sy'n digwydd yn fuan
Ar gyfer y Wedd Cwrs Wreiddiol, mae’r digwyddiadau hyn yn sbarduno hysbysiadau ar eich tudalen Gweithgarwch:
- Cyrsiau newydd sydd ar gael
- Eich hyfforddwyr wedi ychwanegu cynnwys at eich cyrsiau, megis aseiniadau a phrofion
- Rydych wedi ychwanegu blog, cofnod dyddlyfr neu dudalen wiki newydd
- Eich hyfforddwyr wedi postio graddau ar gyfer eich gwaith
- Eich hyfforddwyr wedi ychwanegu digwyddiadau at eich cyrsiau
- Eitemau sy'n ddyledus heddiw
- Eitemau sy'n ddyledus yn fuan
- Eitemau sy'n hwyr
- Pethau sy'n digwydd heddiw
- Digwyddiadau sy'n digwydd yn fuan
Gwylio fideo am y Ffrwd Gweithgarwch
Mae'r fideo canlynol â sylwebaeth yn rhoi cynrychiolaeth weledol a chlywedol o rywfaint o'r wybodaeth sydd wedi'i chynnwys ar y dudalen hon. I gael disgrifiad manwl o'r hyn sy'n cael ei bortreadu yn y fideo, agorwch y fideo ar YouTube, llywiwch i Mwy o weithredoedd, a dewiswch Agor trawsgrifiad.
