Mathau o Gynnwys Cwrs

Gwylio fideo am Fathau o gynnwys cwrs

Cael mynediad at gynnwys mewn cwrs

Ar frig y dudalen, gallwch agor yr offer a ddefnyddir yn aml. Dewiswch yr eiconau i wirio calendr y cwrs, i gymryd rhan mewn trafodaethau dosbarth, cael mynediad at eich graddau ac anfon neges. Pan fyddwch wedi gorffen, dewiswch yr eicon Cynnwys i ddychwelyd i'r holl gynnwys mae'ch hyfforddwr wedi'u gwneud yn weladwy.

Os bydd modd i chi gael mynediad at gynnwys ar ddyddiad yn y dyfodol, gall eich hyfforddwr ddangos yr eitem yn y rhestr cynnwys gyda'r dyddiad hwnnw. Ni allwch ei agor, ond rydych yn cael eich rhybuddio er mwyn i chi wybod bod y gwaith ar ddod.

Pan fydd rhywun yn cyfrannu at sgwrs neu drafodaeth, mae eicon gweithgarwch yn ymddangos nesaf at deitl yr eitem ar dudalen Cynnwys y Cwrs.

Bydd enw a llun eich hyfforddwr yn ymddangos. Dewiswch y Cofrestr i weld pawb sydd wedi cofrestru ar eich cwrs. Os yw'ch hyfforddwr yn defnyddio'r nodwedd presenoldeb, gallwch gael mynediad i'ch cofnodion o'r panel Manylion a Gweithrediadau.

Gallwch uwchlwytho ffeiliau i apiau gwe sy'n rhedeg yn y “cwmwl” ac nid ydynt yn cael eu gosod ar eich cyfrifiadur, megis Google Workspace ac OneDrive^®.

Rhagor am y rhestr

Mwy ar eich gradd presenoldeb

Mathau o gynnwys

Mae'r tabl hwn yn disgrifio'r mathau o gynnwys y gall eich hyfforddwyr eu hychwanegu at gyrsiau.

Disgrifiad o fathau o gynnwys
Eicon	Math o Gynnwys	Disgrifiad
	Aseiniad	Mae hyfforddwyr yn defnyddio aseiniadau i asesu eich gwybodaeth am gynnwys ac amcanion cwrs. Mae'ch hyfforddwyr yn aml yn neilltuo graddau i aseiniadau. Mae hyfforddwyr hefyd yn gallu creu aseiniadau ar gyfer grwpiau o fyfyrwyr.
	Prawf	Mae hyfforddwyr yn defnyddio profion i asesu'ch gwybodaeth. Mae hyfforddwyr hefyd yn gallu creu profion ar gyfer grwpiau o fyfyrwyr.
	Dolen i drafodaethau	Mae hyfforddwyr yn gallu darparu dolen i drafodaeth wrth ymyl cynnwys cysylltiedig. Er enghraifft, efallai gofynnir i chi ddarllen ffeil ac wedyn ymateb mewn trafodaethau.
	Dyddlyfr	Gall hyfforddwyr ddefnyddio dyddlyfrau i gyfathrebu’n breifat â chi a gallant raddio eich cyfraniadau.
	Dogfen	Gall hyfforddwyr greu tudalen neu "daflen" ac ychwanegu testun, sain, fideo, ffeiliau a delweddau. Yn seiliedig ar y gosodiadau neu ar yr hyn a ganiateir gan y porwr, gall ffeiliau sain, fideo a delweddau ymddangos yn fewnol.
	Ffeil	Dewiswch deitl ffeil i'w lawrlwytho.
	SCORM	Gall hyfforddwyr ychwanegu pecynnau cynnwys ar y we o gyhoeddwyr academaidd neu ddylunwyr addysgol. Mae pecynnau SCORM yn agor mewn ffenestr newydd a gallant gyfrif tuag at radd.
	Sain	Mae ffeiliau sain yn ymddangos yn fewnol neu'n agor mewn ffenestri neu dabiau newydd. Mae gennych reolyddion i rewi a chwarae'r sain ac i addasu lefel y sain.
	Dogfen Gwmwl a Blannwyd	Os yw'ch sefydliad yn defnyddio'r nodwedd hon, gall hyfforddwyr gysylltu ffeil Word, Excel, neu PowerPoint ddarllen yn unig â'ch cwrs. Mae'r cynnwys hefyd yn ymddangos yn amlinelliad eich cwrs.
	Dogfen Google	Os yw'ch sefydliad yn defnyddio'r nodwedd hon, gall hyfforddwyr gysylltu ffeiliau Google Docs, Sheets neu Slides darllen yn unig â'ch cwrs. Mae'r cynnwys hefyd yn ymddangos yn amlinelliad eich cwrs.
	Dogfen Gydweithredol Google	Os yw'ch sefydliad yn defnyddio'r nodwedd hon, gall hyfforddwyr rannu ffeiliau Google Docs, Sheets neu Slides â chi a'ch cyd-fyfyrwyr i'w golygu yn eich cwrs. Mae'r cynnwys hefyd yn ymddangos yn amlinelliad eich cwrs.
	Delwedd	Mae delweddau'n ymddangos yn fewnol neu'n agor mewn ffenestri neu dabiau newydd.
	Fideo	Mae ffeiliau fideo yn ymddangos yn fewnol neu'n agor mewn ffenestri neu dabiau newydd. Mae gennych reolyddion i rewi a chwarae'r sain ac i addasu lefel y sain.
	Dolen	Dewiswch y ddolen i fynd i wefan neu adnodd.
	Ffolder	Cynhwysydd cynnwys yw ffolder. Gall hyfforddwyr ddefnyddio ffolderi ac is-ffolderi i grwpio deunydd cysylltiedig, megis ffolder "Astudiaethau Achos Wythnos 1" y tu mewn i ffolder "Aseiniadau Wythnos 1". Mae ffolderi'n ei gwneud yn haws dod o hyd i ddeunyddiau ac yn lleihau'r sgrolio.
	Modiwl dysgu	Mae Modiwlau yn caniatáu i chi lywio o un eitem o gynnwys i'r nesaf heb ymyriadau neu gliciau ychwanegol. Mae modiwl dysgu yn cadw'ch ffocws ar y wers neu gysyniad.

Beth os nad ydw i'n gweld rhai o'r cynnwys?

Os bydd modd i chi gael mynediad at gynnwys ar ddyddiad yn y dyfodol, gall eich hyfforddwr ddangos yr eitem yn y rhestr cynnwys gyda'r dyddiad hwnnw. Ni allwch ei agor, ond rydych yn cael eich rhybuddio er mwyn i chi wybod bod y gwaith ar ddod.

Efallai bydd angen i chi gwblhau gwaith cwrs arall ac ennill gradd benodol cyn i chi allu cael mynediad at eitem. Eich hyfforddwr sy'n gosod y rheolau mynediad a gall ddewis dangos y rheol i chi. Er enghraifft, os oes angen i chi ennill 80 pwynt neu ragor, byddwch yn gweld yr eicon clo ar dudalen Cynnwys y Cwrs nesaf at y cynnwys neu ffolder. Dewiswch y ddolen dan yr eitem i weld y rheol mynediad.