Golygydd Mathemateg
Gallwch fewnosod hafaliadau a fformiwlâu mathemateg mewn profion, aseiniadau, trafodaethau a dyddlyfrau gan ddefnyddio'r golygydd mathemateg. Gallwch hefyd deipio fformiwlâu LaTeX mewn unrhyw olygydd testun cyfoethog lle mae'r golygydd mathemateg yn opsiwn. Mae golygydd mathemateg yn rhedeg ar unrhyw borwr a system weithredu, gan gynnwys ffonau clyfar a thabledi. Mae'r golygydd mathemateg wedi'i ysgrifennu gan WIRIS ac mae'n seiliedig ar safonau a osodwyd gan ieithoedd marcio fel MathML.
Mae'r pynciau ar y dudalen hon yn cynnwys:
Defnyddio'r golygydd mathemateg
Cyrchwch y golygydd mathemateg drwy ddewis yr eicon + yn y golygydd testun cyfoethog. Dewiswch Mathemateg yn y ddewislen.
Gallwch gyrchu llawer o nodweddion yn y golygydd mathemateg drwy ddewis gwahanol dabiau ar y brig.
Defnyddiwch eich bysellfwrdd i roi rhifau, llythrennau a symbolau. Dewiswch yr eicon priodol yn y golygydd mathemateg i greu fformiwlâu cymhleth, megis creu gwreiddyn sgwâr.
AWGRYM: Os ydych yn defnyddio opsiwn sy'n newid lefel y testun ar gyfer eich fformiwla, fel isysgrif neu ffracsiwn, defnyddiwch y bysellau saethau ar eich bysellfwrdd i ddychwelyd i'r lefel diofyn. Rydym yn argymell defnyddio'r bysellfwrdd i lywio o fewn fformiwla.
Mae rhai o'r opsiynau ar gyfer creu fformiwlâu yn y golygydd mathemateg yn cynnwys:
- Gweithrediadau sylfaenol: ychwanegu, tynnu, lluosi, rhannu, gwreiddiau sgwâr, esbonyddion, ffracsiynau
- Yr Wyddor Roeg: alffa, beta, gama, ac eraill •
- Calcwlws Matrics
- Integrynnau, deilliadau, a therfannau
- Swyddogaethau trigonometrig: sin (sin), cosin (cos), tangiad (tan)
- Arddulliau a meintiau ffont
Mae gwefan WIRIS yn darparu gwybodaeth fanwl am holl swyddogaethau'r golygydd mathemateg.
Gweld rhestr o'r holl eiconau sydd ar gael yn nhabiau'r golygydd mathemateg
Defnyddio LaTeX yn y golygydd testun cyfoethog
Mae LaTeX yn feddalwedd sy'n gallu cael ei ddefnyddio i greu delwedd o fformiwla yn seiliedig ar gonfensiynau codio wedi'u hysgrifennu â thestun plaen. Gall golygydd testun cyfoethog Learn rendro codio LaTeX.
Nid oes modd rendro fformiwlâu sy'n mynd dros nifer o linellau yn LaTeX gan olygydd testun cyfoethog Learn. Mae fformiwlâu aml-linell yn dechrau gyda /start ac yn gorffen gyda /end.
Rhowch fformiwla LaTeX drwy ysgrifennu'r cod penodol o fewn symbolau $$ yn y golygydd testun cyfoethog.
Dewiswch Cadw i adolygu sut mae'r fformiwla'n cael ei dangos fel delwedd. Gallwch fynd yn ôl i'r golygydd testun cyfoethog i olygu'r fformiwla nes iddi ymddangos yn gywir. Nid yw rhai gweithgareddau, fel profion ac aseiniadau, yn caniatáu i chi gadw yn y golygydd testun cyfoethog na gweld rhagolwg o'r fformiwla LaTeX a rendrwyd. Bydd yn rhaid i chi wirio eich cyflwyniad ar ôl ei orffen i sicrhau bod y fformiwla wedi'i rendro'n gywir.
Nid oes modd newid ymddangosiad y fformiwlâu, fel dangos fformiwlâu'n drwm neu newid maint y ffont, gan ddefnyddio'r golygydd testun cyfoethog. I newid arddulliau ffont neu feintiau'r fformiwla, gallwch ddewis unrhyw le o fewn y fformiwla yn y golygydd testun cyfoethog, wedyn dewiswch y golygydd mathemateg. Bydd yr holl newidiadau a wneir yn y golygydd mathemateg yn cael eu galluogi pan fyddwch yn cadw a byddant yn cael eu hychwanegu at y cod LaTeX.
Enghraifft o fformiwla ar ffurf LaTeX
Mae modd fformatio'r fformiwla gwadratig yn LaTeX.
1. Rhowch $$ yn y golygydd testun cyfoethog.
$$
2. Nesaf, rhowch y cod LaTeX ar gyfer y fformiwla:
$$x = \frac {-b \pm \sqrt {b^2 - 4ac}}{2a}
3. Caewch eich fformiwla drwy roi $$ ar y diwedd.
$$x = \frac {-b \pm \sqrt {b^2 - 4ac}}{2a}$$
4. Dewiswch Cadw yn y golygydd testun cyfoethog. Mae'r fformiwla fathemateg yn cael ei rendro fel delwedd PNG. Gall rendro'r ddelwedd gymryd ychydig eiliadau, yn dibynnu ar eich cysylltiad â'r rhyngrwyd a maint y cynnwys.
5. Dewiswch Golygu yn y golygydd testun cyfoethog i fynd yn ôl i'ch cod LaTeX.
6. Golygwch eich fformiwla i drosysgrifo'ch cod LaTeX fel testun plaen yn y golygydd testun cyfoethog. Er enghraifft, ychwanegwch +1 at ddiwedd y fformiwla gwadratig.
$$x = \frac {-b \pm \sqrt {b^2 - 4ac}}{2a}+1$$
7. Dewiswch Cadw i rendro'r fformiwla fel delwedd newydd.
8. Gallwch wneud addasiadau ychwanegol i arddull y fformiwla. Yn y golygydd testun cyfoethog, dewiswch unrhyw beth yn y cod LaTeX.
Agorwch y golygydd mathemateg.
Ychwanegwch yr arddulliau rydych eisiau eu defnyddio at y fformiwla. Er enghraifft, gallwch wneud rhan o'r fformiwla yn drwm a newid maint y ffont.
9. Dewiswch Cadw yn y golygydd mathemateg. Mae'r cod LaTeX ar gyfer y fformiwla gwadratig gyda'ch addasiadau arddull bellach yn:
$$\style{font-size:36px}{x=\frac{-b\pm\sqrt{\boldsymbol b^{\mathbf2}\boldsymbol-\mathbf4ac}}{2a}+1}$$
10. Dewiswch Cadw yn y golygydd testun cyfoethog i rendro'ch fformiwla wedi'i haddasu fel delwedd.
Nodweddion hygyrchedd
Mae delweddau fformiwla mathemateg o ansawdd uchel, felly gallwch nesáu ati a bydd y ddelwedd yn dal i fod yn glir.
Mae testun amgen ar gyfer fformiwlâu mathemateg yn cael ei gynhyrchu'n awtomatig yn seiliedig ar eich gosodiad iaith yn eich proffil yn Learn. Mae darllenyddion sgrin yn dilyn gosodiadau eich dyfais leol, gan gynnwys iaith, cyflymder a llais. I gael profiad gwell gyda'ch darllenydd sgrin a thestun amgen, gwnewch yn siŵr bod eich gosodiad iaith yn Learn yn cyd-fynd â'r gosodiadau ar eich dyfais leol.
Os nad yw'r golygydd mathemateg na'r golygydd testun cyfoethog yn cefnogi iaith, bydd fformiwlâu yn cael eu darllen yn Saesneg.