Golygu'ch gwybodaeth a dewisiadau
Eich proffil yw'r lle i olygu’r wybodaeth sy'n gysylltiedig â'ch persona. Mae'ch proffil yn ymddangos gydag ychydig o wybodaeth, a ni allwch ddileu'ch proffil. Eich sefydliad sy'n penderfynu beth gallwch ei bersonoli.
- Ar y bar llywio, dewiswch eich enw i gael mynediad i'ch proffil.
- Hofranwch dros fanylyn, fel Enw Llawn, a dewiswch fotwm y pensil.
- Yn y panel, gwnewch newidiadau.
- Dewiswch Gorffen.
Dewis eich rhagenwau
Pan fo modd golygu rhagenwau, gallwch ddewis gwerthoedd eich rhagenwau ar y dudalen proffil. Dewiswch eich enw ar y bar llywio. Ychwanegwch neu olygu'r gwerthoedd yn ôl yr angen.
I ychwanegu rhagenwau, yn y maes Dewiswch eich rhagenwau , gallwch ddewis gwerthoedd lluosog. Gallwch ddewis y drefn maent yn cael eu dangos ynddi i ddefnyddwyr eraill. Os yw'r gweinyddwr wedi diffinio opsiynau ar gyfer rhagenwau mewn mwy nag un iaith, gallwch ychwanegu'r rhagenwau rydych yn eu defnyddio yn yr ieithoedd rydych yn eu siarad.
Os nad ydych yn gweld opsiynau ar gyfer y rhagenwau gorau i chi, gallwch gyflwyno cais amdanynt os yw'ch sefydliad yn caniatáu gwneud hynny. Anfonir ceisiadau at y gweinyddwr i gael eu hadolygu a'u cymeradwyo.
Yn eich cyrsiau, bydd eich rhagenwau yn ymddangos mewn sawl lleoliad yn yr offer rhyngweithiol, gweithgareddau grŵp a rhestri o enwau. Os nad ydych eisiau i bobl eraill weld eich rhagenwau, dylech dynnu eich rhagenwau.
Lleoliadau dangos rhagenwau yn y Wedd Cwrs Ultra:
| Adran | Lleoliad |
|---|---|
| Asesiadau Grŵp | Gall defnyddiwr weld rhagenwau aelodau grŵp yn y panel trosolwg Gall defnyddiwr weld rhagenwau aelodau grŵp wrth weithio ar asesiad |
| Adolygiad gan Gyfoedion | Gall ddefnyddwyr sy'n gallu gweld enwau adolygwyr cyfoedion weld eu rhagenwau uwchben eu hadborth wrth weld ymgais myfyriwr |
| Cofrestr y Cwrs | |
| Rhestr | Gall defnyddwyr weld rhagenwau defnyddwyr eraill yng ngwedd cofrestr y cwrs |
| Rheoli Defnyddwyr | Gall defnyddiwr weld rhagenwau defnyddwyr wrth chwilio am ddefnyddwyr i'w cofrestru yn y cwrs gall defnyddiwr weld Rhagenwau defnyddiwr wrth eu golygu yn rhestr y cwrs Gall defnyddiwr weld rhagenwau defnyddiwr wrth olygu eu cymwysiadau |
| Offer Cyfathrebu | |
| Trafodaethau | Gall defnyddiwr weld rhagenwau defnyddwyr eraill gyda'u hymatebion |
| Negeseuon | Gall defnyddwyr weld rhagenwau defnyddwyr eraill wrth chwilio am dderbynyddion neges Gall defnyddwyr weld rhagenwau defnyddwyr eraill yn y panel negeseuon |
| Llyfr Graddau | Gall hyfforddwyr a graddwyr weld rhagenwau defnyddwyr yn y wedd Graddau Gall myfyrwyr weld eu rhagenwau eu hunain wrth weld eu graddau eu hunain |
| Grwpiau | Gall defnyddiwr weld rhagenwau defnyddwyr mewn grŵp Gall hyfforddwyr weld rhagenwau myfyrwyr yng ngwedd rheoli'r grŵp |
| Proffil Defnyddiwr | Gall defnyddiwr weld eu rhagenwau eu hunain ar eu tudalen proffil Gall defnyddiwr weld eu rhagenwau eu hunain wrth olygu eu proffil ym mhanel gosodiadau'r proffil |
Newid eich cyfrinair
Gallwch newid eich cyfrinair gan ddefnyddio'r ddolen Wedi anghofio eich cyfrinair? ar y dudalen mewngofnodi. Os ydych eisoes wedi mewngofnodi, allgofnodwch i gael mynediad at y dudalen.
Rhowch eich enw cyntaf, enw olaf ac enw defnyddiwr. Mae angen cael cyfeiriad e-bost gweithredol yn gysylltiedig â'ch cyfrif i dderbyn cyfarwyddiadau. Neu, rhowch eich enw cyntaf, enw olaf, a chyfeiriad e-bost.
Ar ôl i chi gyflwyno'ch gwybodaeth, gallwch greu cyfrinair newydd yn seiliedig ar y cyfarwyddiadau a dderbyniwch mewn e-bost. Mae'ch cyfrinair cyfredol yn parhau'n weithredol nes i chi ei newid.
Gallwch hefyd newid eich cyfrinair o'ch tudalen Proffil. Ewch i'ch proffil a dewiswch Newid Cyfrinair. O'r panel Newid Cyfrinair, rhowch eich hen gyfrinair a'ch cyfrinair newydd. Dewiswch Cadw.
Os ydych yn newid eich cyfrinair system, ni fydd yn effeithio ar unrhyw gyfrifon allanol, megis Google, yr ydych yn eu defnyddio i fewngofnodi i Blackboard Learn.
