Negeseuon

Yn y llywio sylfaenol, dewiswch Negeseuon.

Peidiwch â cholli unrhyw beth sy'n digwydd. Os oes gennych gymysgedd o gyrsiau Gwreiddiol ac Ultra, gallwch gyrchu negeseuon ar gyfer y ddau ar y dudalen hon. Mae negeseuon heb eu darllen yn cael eu dangos â rhif o fewn cylch coch ac yn ymddangos yn gyntaf.

Cael mynediad at negeseuon dros amser. Gallwch weld negeseuon o gyrsiau cyfredol, blaenorol a'r rhai sydd yn y dyfodol. Defnyddiwch y saethau i symud i gyfnod amser arall.

Barod i rannu? Os yw’ch sefydliad yn ei ganiatáu, dewiswch yr eicon Neges Newydd wrth ochr eich cwrs ar y dudalen Cyrsiau i anfon neges at un person, at nifer o bobl, at grŵp neu at ddosbarth. Yn y Wedd Cwrs Ultra, dechreuwch deipio a bydd enwau derbynyddion yn ymddangos. Yn y Wedd Cwrs Gwreiddiol, dewiswch At. Bydd rhestr o holl aelodau'r cwrs yn ymddangos. Yn y blwch cyntaf, dewiswch y derbynyddion a dewiswch y saeth i'r dde i'w symud i'r blwch Derbynyddion

Hysbysiadau neges newydd

Bydd negeseuon newydd yn ymddangos ar y dudalen negeseuon cyffredinol.

Gall eich hyfforddwr ddewis anfon copi o neges cwrs i'ch mewnflwch e-byst. Dim ond pan mae gennych gyfeiriad e-bost dilys wedi'i restru yn eich proffil y byddwch yn derbyn copi o'r neges cwrs ar e-bost, felly sicrhewch eich bod yn diweddaru'ch proffil yn gyson!

Hysbysiadau negeseuon heb eu darllen

Mae rhif adnabyddadwy yn amlygu unrhyw negeseuon newydd a dderbynnir. Pan fyddwch yn dewis y dudalen Negeseuon yn y llywio sylfaenol, bydd rhif coch yn newid i eicon pilsen goch i leihau tynnu eich sylw. Pan fyddwch yn llywio i ffwrdd o'r dudalen hon, bydd y system bellach yn dangos y nifer o negeseuon heb eu darllen eto. Mae cyrsiau sydd â negeseuon heb eu darllen yn ymddangos yn gyntaf yn y rhestr ar y dudalen Negeseuon

Anfon neges

Os yw’ch sefydliad yn ei ganiatáu, pan ddewiswch y botwm Neges Newydd ar y dudalen Negeseuon, bydd y panel Neges Newydd yn agor.

Rhagor am negeseuon darllen yn unig

Dechreuwch deipio i ychwanegu derbynyddion. Wrth i chi deipio, bydd enwau'r derbynyddion sy'n cyd-fynd yn ymddangos mewn dewislen er mwyn i chi allu eu dewis yn hawdd. Gallwch barhau i ychwanegu cynifer o enwau ag y mynnwch neu anfon i'r dosbarth cyfan.

Arweiniwch gyda’r wybodaeth bwysicaf. Nid oes gan negeseuon deitlau. Mae angen i dderbynyddion ddibynnu ar ran cyntaf eich neges wrth iddynt ddewis beth i'w ddarllen.

Yn y golygydd, dewiswch yr eicon plws i weld y ddewislen opsiynau. Byddwch yn gweld yr opsiwn i atodi ffeil. I ddefnyddio'ch bysellfwrdd i neidio i far offer y golygydd, pwyswch ALT + F10. Ar Mac, pwyswch Fn + ALT + F10. Defnyddiwch fysellau'r saethau i ddewis opsiwn, megis rhestr â bwledi.

Anfonwch gopi e-bost. Gallwch anfon copi o neges gwrs fel neges e-bost. Mae aelodau cwrs yn fwy tebygol o weld, darllen a gweithredu ar negeseuon cwrs pan dderbyniant gopi yn eu mewnflwch. Bydd copïau e-bost yn cael eu danfon dim ond os oes gan dderbynyddion gyfeiriad e-bost dilys yn eu proffil Learn. Pan ddewiswch yr opsiwn hwn, bydd holl dderbynyddion y neges yn cael copi e-bost. Bydd derbynyddion yn gallu gweld eich neges ym mewnflwch eu cyfrifon e-bost, ond ni fyddant yn gallu anfon e-bost i ymateb.

Ychwanegu arddulliau a chynnwys atodiadau. Mae'r blwch testun yn caniatáu i chi addasu ymddangosiad y testun yn eich negeseuon. Gallwch hefyd ddewis atodi ffeil neu blannu dolen i gyfryngau eraill yn eich neges, os yw'ch sefydliad wedi galluogi'r opsiwn.

Negeseuon darllen yn unig

Gall eich sefydliad ddewis peidio â chaniatáu i fyfyrwyr ymateb i neu greu negeseuon yn eu cyrsiau. Nid yw'ch hyfforddwyr yn rheoli’r gosodiad hwn.

Efallai bydd gennych ganiatâd ond i ddarllen negeseuon a anfonir atoch gan rolau eraill, megis hyfforddwyr a chynorthwywyr addysgu. Ni fydd modd i chi flaenyrru negeseuon rydych yn eu derbyn.

Yn y ffurf darllen yn unig, tynnir yr arwydd plws i ychwanegu neges o’ch tudalen Negeseuon cyffredinol a thudalen Negeseuon cyrsiau Ultra.

Pan fyddwch yn gweld neges gwrs Ultra unigol, byddwch yn gweld neges yn y blwch Ateb sy’n dweud: Ni ellir ymateb i'r neges hon am fod yn nodwedd wedi'i hanalluogi.