Gall hyfforddwyr greu grwpiau o fyfyrwyr o fewn cyrsiau. Mae grwpiau fel arfer yn cynnwys nifer fechan o fyfyrwyr ar gyfer grwpiau astudio neu brosiectau. Mae gan y grwpiau hyn eu hardaloedd cydweithio eu hunain yn y cwrs er mwyn iddynt allu cyfathrebu a rhannu ffeiliau.

Mae'ch hyfforddwr yn eich rhoi mewn grŵp neu'n caniatáu i chi ddewis pa grŵp rydych eisiau ymuno. Eich hyfforddwr sy'n dewis pa offer cyfathrebu a chydweithio sydd ar gael i'ch grŵp.

Creu grwpiau ar y dudalen Ardaloedd

O ddewislen Fy Blackboard, mae'n bosib y byddwch yn gallu creu grwpiau er mwyn cydweithio gydag eraill o'r dudalen Ardaloedd. Er enghraifft, gallwch greu ardal ar gyfer grŵp astudio, tîm athletau, neu grŵp adolygu ffilmiau. Gall unrhyw un greu a rheoli ardaloedd.

I gael mynediad at y dudalen Ardaloedd, ewch i'r ddewislen nesaf at eich enw ym mhennyn y dudalen. Mae dewislen Fy Blackboard yn agor. Dewiswch eicon Ardaloedd.

Os gofynnir i chi, rhaid i chi dderbyn y telerau defnyddio a darparu cyfeiriad e-bost cyn i chi allu defnyddio'r offeryn hwn am y tro cyntaf.


Dod o hyd i'ch grwpiau cwrs.

Ddim yn gyfarwydd i chi? Neidiwch i adran gymorth "Ultra" am fanylion ar aseiniadau grŵp.

Gall eich hyfforddwr ddarparu mynediad at eich grwpiau cwrs mewn tair ffordd.

  1. Dolen tudalen grwpiau: Mae'r ddolen i'r dudalen Grwpiau yn ymddangos ar ddewislen y cwrs neu mewn ardal gynnwys. Mae'r dudalen Grwpiau yn rhestru'r holl grwpiau sydd ar gael a'r taflenni cofrestru ar gyfer grwpiau hunan-gofrestru.
  2. Panel Fy Ngrwpiau: Mae panel Fy Ngrwpiau yn ymddangos ar ôl dewislen y cwrs. Mae gennych ddolenni uniongyrchol i'r ardal grŵp ar gyfer pob grŵp rydych yn aelod ohono. Gallwch ehangu'r panel i ddatgelu pa offer sydd ar gael i'w grwpiau. Os ydych wedi cofrestru mewn grŵp, mae'r panel yn ymddangos yn awtomatig.
  3. Dolen grŵp: Mae'n bosib y byddwch yn gallu cael mynediad at eich grwpiau mewn ardal cwrs gyda dolenni i un grŵp, taflen gofrestru neu'r dudalen Grwpiau.

Pan fyddwch yn cael mynediad at grŵp, byddwch yn gweld hafan y grŵp. Mae hafan y grŵp yn ganolbwynt ar gyfer gweithgarwch y grŵp a gall gynnwys disgrifiad o'r grŵp, rhestr o aelodau ac offer. Os yw'ch hyfforddwr yn caniatáu, gallwch bersonoli'r dudalen hon gyda baner, dewis gwahanol liwiau ac ychwanegu modiwlau personol, megis Cerdyn Adroddiad. Mae modiwlau personol yn weladwy'n unig i'r aelod a ychwanegodd y modiwlau. Gallwch hefyd gyrchu offer ac aseiniadau eich grŵp yma.


Cofrestru i ymuno â grŵp cwrs

Efallai bydd eich hyfforddwr yn gofyn i chi hunan-gofrestru ar grŵp cwrs. Yn seiliedig ar osodiadau'ch hyfforddwr, efallai byddwch yn gweld enwau aelodau eraill y grŵp.

Ar y dudalen Grwpiau, dewiswch Ymgofrestru neu Gweld Taflen Ymgofrestru er mwyn Ymuno â Grŵp. Pan fyddwch yn dewis Ymgofrestru eto ar y dudalen Taflen Gofrestru, fe’ch ychwanegir yn awtomatig at y grŵp.

Mae defnyddwyr anabl yn cael eu cyfrif yng nghyfanswm cofrestru'r grŵp cyfan nes bod aelodaeth y cwrs neu'r defnyddiwr yn cael eu dileu.


Creu grŵp

Os yw'ch hyfforddwr yn caniatáu, gallwch greu grwpiau cwrs y gall eich cyd-ddisgyblion ymuno â hwy.

  1. Ar y dudalen Grwpiau, dewiswch Creu Grŵp.
  2. Ar y dudalen Creu Grŵp Hunan-gofrestru, teipiwch enw'r grŵp a disgrifiad ohono.
  3. Teipiwch enw ar gyfer y Daflen Gofrestru a Chyfarwyddiadau ar gyfer y Daflen Gofrestru.
  4. Dewiswch Uchafswm Nifer yr Aelodau.
  5. Dewiswch Cyflwyno.

Offer grwpiau

Eich hyfforddwr sy'n dewis pa offer cyfathrebu a chydweithio sydd ar gael i'ch grŵp. Os ydych chi eisiau defnyddio darn o offer ond eich bod yn methu dod o hyd iddo ar dudalen eich grŵp, gofynnwch i'ch hyfforddwr ei alluogi.

Disgrifiadau o offer grwpiau
Darn o offerDisgrifiad
Collaborate UltraMae aelodau'r grŵp a hyfforddwyr yn gallu rhannu cynnwys a defnyddio'r bwrdd gwyn, yn ogystal â chreu recordiadau.
CydweithioGall aelodau'r grŵp greu a mynychu sesiynau sgwrsio ac ystafell ddosbarth rithwir.

Mae gan y sesiynau cydweithio grŵp yr un nodweddion â'r rhai hynny a ddefnyddir mewn cwrs. Mae pob aelod o'r grŵp a'r cymedrolwyr mewn sesiynau cydweithio grwpiau'n gallu rheoli sesiynau a chael mynediad at yr holl offer sydd ar gael.

Cyfnewid FfeiliauGall aelodau grwpiau a hyfforddwyr rannu ffeiliau yn yr ardal hon. Gall yr holl aelodau ychwanegu a dileu ffeiliau, ta waeth pwy bynnag ychwanegodd nhw.
Blog GrŵpYn yr ardal grŵp, mae pob aelod o'r grŵp yn gallu creu cofnodion ar gyfer yr un blog ac adeiladu ar yr un cofnod. Mae pob aelod o'r cwrs yn gallu darllen a gwneud sylw ar flog grŵp, ond ni allant bostio os nad ydynt yn aelod o'r grŵp. Gall hyfforddwyr ddewis graddio blogiau grŵp. Mae pob aelod o'r grŵp yn derbyn yr un radd.
Bwrdd Trafod GrŵpGall aelodau grŵp greu a rheoli eu fforymau eu hunain a thrafod pynciau gydag aelodau'r grŵp yn unig. Gall hyfforddwyr ddewis graddio trafodaethau grŵp, ond caiff pob aelod ei raddio'n unigol.
Dyddlyfr GrŵpYm maes y grŵp, gall pob aelod o'r grŵp edrych ar gofnodion ei gilydd. Aelodau grŵp a hyfforddwyr yw'r unig rai all weld dyddlyfrau grŵp. Gall hyfforddwyr ddewis graddio dyddlyfrau grŵp. Mae pob aelod o'r grŵp yn derbyn yr un radd.
Tasg GrŵpGall aelodau grŵp greu tasgau i'w dosbarthu i holl aelodau'r grŵp.
Wici GrŵpGall aelodau'r grŵp olygu a weld wiki eu grŵp. Gall hyfforddwyr weld a golygu wikis grwpiau, a dewis graddio wikis grwpiau. Mae pob aelod o'r grŵp yn derbyn yr un radd.
Anfon Neges E-bostGall aelodau grŵp e-bostio aelodau unigol neu’r grŵp cyfan.

Cyfnewid ffeiliau gyda grwpiau

Gyda chyfnewid ffeiliau, gallwch rannu ffeiliau gydag aelodau eraill o'ch grŵp, gan gynnwys eich hyfforddwr.

Ni allwch greu ffeiliau yn y gyfnewidfa ffeiliau. Gyda'ch grŵp, dewiswch sut rydych eisiau enw'r ffeiliau er mwyn iddi fod yn haws dod o hyd iddynt mewn rhestr hir.

Ychwanegu ffeil i'r gyfnewidfa ffeiliau

Offer Grwpiau, Cyfnewidfa Ffeiliau ac Ychwanegu Ffeil

Ychwanegwch enw ar gyfer y ffeil rydych eisiau ei huwchlwytho. Porwch am ffeil a'i chyflwyno.

Dileu ffeil o'r gyfnewidfa ffeiliau

Gallwch ddileu unrhyw ffeil, hyd yn oed os mai nid chi uwchlwythodd y ffeil. Ar dudalen y Gyfnewidfa Ffeiliau, dewiswch Dileu yn newislen y ffeil.


Cwestiynau cyffredin

Sut ydw i'n tynnu fy hun neu rywun arall o grŵp?

Ar ôl i chi gofrestru mewn grŵp, eich hyfforddwr yw'r unig berson all eich tynnu o grŵp, gan gynnwys grwpiau hunan-gofrestru a'r rhai a grëwyd gan fyfyrwyr.

Sut alla'i ychwanegu cyd-ddisgyblion i grŵp rwyf wedi ei greu?

Os ydych chi wedi creu grŵp, rhaid i'ch cyd-ddisgyblion hunan-gofrestru i'r grŵp. Yn y rhestr o grwpiau, rhaid iddynt ddewis Cofrestru ar ôl enw'r grŵp.

Sut rwy'n ymuno â grŵp a grëwyd gan un o'm cyd-fyfyrwyr?

Dewch o hyd i'r grŵp wedi'i restru ar dudalen Grwpiau a dewiswch Cofrestru. Mae'r grŵp yn dangos yn eich ardal Fy Ngrwpiau.


ULTRA: Gwaith grŵp

Ddim yn gyfarwydd i chi? Neidiwch i'r adran gymorth "Gwreiddiol" am grwpiau.

Yng Ngwedd Cwrs Ultra, ni fyddwch yn gweld ardal ar wahân ar gyfer grwpiau. Yn hytrach, gall hyfforddwyr greu aseiniadau, profion, a thrafodaethau grŵp lle gallwch gydweithio â myfyrwyr eraill.

Efallai bydd eich hyfforddwr yn creu grwpiau neu’n gofyn ichi hunan-gofrestru am waith grŵp.

Ar y dudalen Cynnwys y Cwrs, rhestrir enw'ch grŵp ar ôl teitl yr eitem grŵp. Bydd enwau aelodau'ch grŵp yn ymddangos pan fyddwch yn agor yr eitem a pan fyddwch yn gweithio arno. Os fydd Hunan-gofrestru i gymryd rhan yn ymddangos, dewiswch y ddolen i ddewis grŵp.

Mwy am aseiniadau grŵp Ultra

Mwy ar drafodaethau grŵp Ultra