Gweld Gweithgarwch Myfyrwyr Unigol ar Gyrsiau

Yr Adroddiad Manylion Gweithgarwch Myfyrwyr ar gyfer Cyrsiau

Mae'r adroddiad yn rhoi dadansoddiadau i chi ar gyfer perfformiad eich myfyrwyr yn eich cwrs. Gallwch weld oriau mewn cwrs myfyriwr a newidiadau i'r radd gyffredinol fesul wythnos. Mae'r adroddiad yn ei gwneud yn hawdd gweld pan fydd oriau mewn cwrs myfyriwr yn gollwng neu os bydd myfyriwr yn dechrau ennill graddau is. Mae data'r adroddiad yn cael ei ddiweddaru bob 24 awr yn y bore cynnar.

Gallwch ddefnyddio'r adroddiad i arwain a hysbysu sut rydych yn hyfforddi mewn sawl ffordd.

• Adnabod myfyrwyr sy'n cael trafferth, myfyrwyr sy'n gwella dros amser, neu fyfyrwyr sydd â graddau sy'n dechrau mynd yn is
• Anfon negeseuon at fyfyrwyr sy'n cwympo tu ôl a'u hannog i gynyddu eu gweithgarwch yn y cwrs.
• Llongyfarch myfyrwyr sy'n perfformio'n dda yn eich cwrs a gofyn iddynt fod yn fentoriaid
• Trefnu apwyntiad gyda phob myfyriwr yn y cwrs i drafod strategaethau i wella perfformiad a gweithgarwch myfyrwyr
• Lawrlwytho'r wedd tabl i ffeil CSV (gwerthoedd wedi'u gwahanu ag atalnodau) i ddadansoddi'r data gan ddefnyddio offer eraill neu rannu adroddiadau myfyrwyr ag aelodau eraill y gyfadran os oes angen.
• Lawrlwytho'r siartiau llinell fel PDF neu ddelwedd i rannu gwybodaeth â hyfforddwyr eraill neu fentoriaid ar y cwrs

Y Radd Gyffredinol yn Learn Ultra neu'r Wedd Cwrs Learn Ultra yw'r Radd Allanol yn Learn Gwreiddiol.

Gweithgarwch cwrs feul wythnos

Gwedd tabl

Mae gan wedd dabl yr adroddiad Manylion Gweithgarwch Myfyrwyr bedair colofn: Dyddiad, Oriau cyfartalog mewn cwrs, Ystod o oriau cyfartalog, ac Oriau gweithgarwch. Mae data yn cael ei ddangos mewn rhesi wedi'u trefnu yn ôl wythnos. Mae pob wythnos yn dechrau ar ddydd Llun ac mae'r tabl wedi'i drefnu mewn trefn ddisgynnol o'r wythnos gyntaf i'r wythnos ddiweddaraf.

• Oriau cyfartalog mewn cwrs yw'r nifer o oriau ar gyfartaledd mae pob myfyriwr wedi'u treulio mewn cwrs fesul wythnos.
• Ystod o oriau cyfartalog yw'r nifer o oriau ar gyfartaledd mae pob myfyriwr wedi'u treulio mewn cwrs fesul wythnos, gyda'r gwyriad safonol wedi'i ychwanegu neu wedi'i dynnu. Gallwch ddefnyddio'r ystod o oriau fel gwybodaeth ychwanegol ynghylch a oes gan golofn yr Oriau cyfartalog mewn cwrs wyriad safonol uchel neu isel.
• Oriau gweithgarwch yw cyfanswm yr oriau mae myfyriwr wedi'u treulio mewn cwrs fesul wythnos. Mae oriau mewn cwrs yn cael eu cyfrif o'r amser mae myfyrwyr yn dewis rhywbeth yn y cwrs i'r amser maent yn dewis rhywbeth y tu allan i'r cwrs. Os yw myfyriwr yn cael ei allgofnodi o'i sesiwn yn y cwrs, dim ond yr amser cyn y weithred olaf a gaiff ei gyfrif.
• Dewiswch y botwm Lawrlwytho i lawrlwytho'r tabl fel ffeil CSV (gwerthoedd wedi'u gwahanu ag atalnodau).

Siart llinell

Mae'r siart llinell yn rhoi cynrychioliad graffigol i chi o oriau mewn cwrs myfyriwr fesul wythnos wedi'u cymharu â myfyrwyr eraill yn y cwrs.

Mae gweithgarwch y myfyriwr a ddewiswyd yn borffor ac mae gweithgarwch cyfartalog y cwrs yn llwyd.

• Dewiswch ddot i weld yr union ddyddiadau ac oriau mewn cwrs ar gyfer myfyriwr neu gyfartaledd y cwrs.
• Nesáu neu bellhau drwy ddewis yr eiconau + a – yn y gornel dde uchaf. I ffocysu ar ardal benodol, dewiswch rywle ar y siart a llusgo i nesáu.
• Mae Gweithgarwch fesul wythnos yn cael ei gyfrif o'r amser mae myfyrwyr yn dewis rhywbeth yn y cwrs i'r amser maent yn dewis rhywbeth y tu allan i'r cwrs. Os yw myfyriwr yn cael ei allgofnodi o'i sesiwn yn y cwrs, dim ond yr amser cyn y weithred olaf a gaiff ei gyfrif.
• Dewiswch y botwm Lawrlwytho i lawrlwytho'r siart llinell fel delwedd neu ffeil PDF.

Gradd Gyffredinol

Gwedd tabl

Mae gan y wedd tabl bedair colofn: Dyddiad, Gradd gyfartalog y cwrs, Ystod o radd gyffredinol, a Gradd Gyffredinol. Mae data yn cael ei ddangos mewn rhesi wedi'u trefnu yn ôl wythnos. Mae pob wythnos yn dechrau ar ddydd Llun.

• Gradd gyfartalog y cwrs yw'r radd gyffredinol gyfartalog ar gyfer pob myfyriwr mewn cwrs fesul wythnos.
• Ystod o radd gyfartalog yw'r radd gyffredinol gyfartalog ar gyfer pob myfyriwr mewn cwrs fesul wythnos, gyda'r gwyriad safonol wedi'i ychwanegu neu wedi'i dynnu. Gallwch ddefnyddio'r ystod o raddau cyffredinol fel gwybodaeth ychwanegol ynghylch a oes gan golofn y Radd gyfartalog mewn cwrs wyriad safonol uchel neu isel.
• Gradd Gyffredinol yw gradd gyffredinol myfyriwr yn y cwrs fesul wythnos.
• Dewiswch y botwm Lawrlwytho i lawrlwytho'r tabl fel ffeil CSV (gwerthoedd wedi'u gwahanu ag atalnodau).

Er enghraifft, mae'r bedwaredd rhes yn y tabl a ddarperir uchod yn dangos graddau cyffredinol ar gyfer wythnos 15 Awst 2022 i 22 Awst 2022 mewn cwrs Bioleg. Roedd gan bob myfyriwr yn y cwrs radd gyffredinol o 55.57% ar gyfartaledd. Mewn cymhariaeth, roedd gradd gyffredinol Lucas White yn fwy na'r cyfartaledd gyda gradd gyffredinol o 90.9%.

Yn ystod yr wythnos ganlynol rhwng 22 Awst 2022 a 29 Awst 2022, roedd gan bob myfyriwr yn y cwrs Bioleg radd gyffredinol o 34.46% ar gyfartaledd. Gradd gyffredinol Lucas White oedd 47.61%. Mae'r tabl yn dangos cyfartaledd y cwrs ac yn dangos sut y gostyngodd perfformiad Lucas o'i gymharu â gradd y dosbarth.

Pan nad oes gan gwrs radd gyffredinol wedi'i gosod, ni ddangosir y tabl.  Ewch i'r pwnc "Colofnau Graddau" i weld sut mae gosod y radd gyffredinol. 

Siart llinell

Mae'r siart llinell yn rhoi cynrychioliad graffigol i chi o radd gyffredinol myfyriwr dros amser wedi'i chymharu â myfyrwyr eraill yn y cwrs.

• Mae gradd y myfyriwr a ddewiswyd yn borffor ac mae gradd gyfartalog y cwrs yn llwyd.
• Dewiswch ddot i weld yr union ddyddiadau a graddau ar gyfer myfyriwr neu gyfartaledd y cwrs.
• Nesáu neu bellhau drwy ddewis yr eiconau + a – yn y gornel dde uchaf. I ffocysu ar ardal benodol, dewiswch rywle ar y siart a llusgo i nesáu.
• Dewiswch y botwm Lawrlwytho i lawrlwytho'r siart llinell fel delwedd neu ffeil PDF.

Os nad oes gan gwrs radd gyffredinol wedi'i gosod, ni ddangosir y siart llinell. Ewch i'r pwnc "Colofnau Gradd" i weld sut i osod y radd gyffredinol.