Yn cyflwyno Gwirydd Hygyrchedd Ultra (Wedi'i bweru gan Ally)
Mae cynnwys hygyrch yn sicrhau cynhwysiant ac ymgysylltiad ystyrlon ar gyfer dysgwyr gwahanol. I greu cynnwys hygyrch yn eich Dogfennau Ultra, gallwch ddefnyddio Gwirydd Hygyrchedd Ultra (wedi'i bweru gan Ally).
Mae Gwirydd Hygyrchedd Ultra yn sganio cynnwys yn y golygydd cynnwys cyfoethog ar gyfer Dogfennau Ultra i adnabod problemau hygyrchedd. Mae'n cynnig esboniadau am y problemau hyn ac yn cynnig datrysiadau i wneud eich cynnwys yn fwy hygyrch.
Mae Ally yn gynnyrch â thrwydded sy'n cael ei integreiddio â System Rheoli Dysgu i wella hygyrchedd i chi a'ch myfyrwyr. Mae gallu'r Gwirydd Hygyrchedd Ultra wedi'i gynnwys yn Learn Ultra yn barod. Nid oes angen trwydded Ally ar eich sefydliad i ddefnyddio'r Gwirydd Hygyrchedd Ultra.
Deall sut mae'n gweithio
Mae'r dangosydd Medrydd Sgôr yn ymddangos yng nghornel dde uchaf tudalen Dogfennau Ultra pan fyddwch yn weithredol yn y golygydd cynnwys cyfoethog. Dewiswch y Medrydd Sgôr i weld y panel Adborth i Hyfforddwyr. Mae'r panel hwn yn darparu awgrymiadau i drwsio problemau hygyrchedd ar raddfa.
Er enghraifft, ar ôl creu cynnwys hyfforddi mewn Dogfen Ultra ar gyfer eich cwrs, dewiswch y Medrydd Sgôr. Byddwch yn cael sgôr allan o 100 gydag ystod o isel i berffaith. Byddwch hefyd yn cael manylion am broblemau hygyrchedd, pam maent yn bwysig, a chanllawiau trwsio cyflwm i fynd i'r afael â'r problemau.
Gallwch hefyd weld y golygydd cynnwys mewn rhagolwg. Mae'r Medrydd Sgôr yn darparu sgôr byw ac yn fflagio problemau hygyrchedd wrth greu a golygu cynnwys.
Mae'r Medrydd Sgôr dim ond yn cael ei ddangos wrth i hyfforddwr greu neu olygu cynnwys yn y golygydd cynnwys ar gyfer y Ddogfen Ultra. Nid yw'r Gwirydd Hygyrchedd Ultra yn darparu unrhyw wiriadau neu ganllawiau ychwanegol ar gyfer ffeiliau, adroddiadau na fformatau amgen.
Defnyddio'r adborth i hyfforddwyr
Unwaith bod y Gwirydd Hygyrchedd Ultra wedi sganio'ch cynnwys ac wedi rhoi sgôr, gallwch fynd i'r afael â'r problemau y mae wedi'u fflagio. Mae'r problemau a gaiff eu sganio yn cynnwys:
- Testun â chyferbyniad annigonol
- Trefn penawdau
- Delwedd heb ddisgrifiad
- Delwedd gyda disgrifiadau diangen
- Tablau heb benawdau
- Tablau gyda phenawdau gwag
Mae'r swyddogaeth yn eich arwain trwy un broblem gyffredinol ar y tro. Er enghraifft, bydd yn tynnu sylw at bob enghraifft o destun â chyferbyniad annigonol yn eich dogfen – gan ffocysu eich sylw ar gywiro'r broblem.
Mae'r broblem a fflagir yn cael ei rhestru dan y sgôr hygyrchedd yn y panel Adborth i Hyfforddwyr. Dewiswch y botwm Beth mae hyn yn ei olygu i gael esboniad byr o'r broblem a pham mae'n bwysig. Er enghraifft, y broblem a restrir yw "Mae'r eitem hon yn cynnwys testun â chyferbyniad annigonol." Bydd dewis Beth mae hyn yn ei olygu yn rhoi esboniad byr i chi o gyferbyniad lliw a pham mae defnyddio cyferbyniad digonol yn bwysig.
Yn bwysicach na hynny, mae'r Gwirydd Hygyrchedd Ultra yn cynnig trwsiadau cyflym ar gyfer y problemau a amlygir. Yn yr achos hwn, mae'r panel adborth yn cynnig nifer o ddewisiadau lliw a fyddai'n cywiro'r broblem gyferbyniad. Dewiswch liw wedi'i gywiro ar gyfer pob enghraifft sydd angen ei gywiro. Wrth i chi gywiro problemau, mae sgôr byw y Medrydd Sgôr yn cael ei addasu.
Mae'r Gwirydd Hygyrchedd Ultra yn eich arwain trwy'ch Dogfen Ultra i wneud eich cynnwys hyfforddi'n hygyrch ar gyfer pob un o'ch myfyrwyr.
Ar gyfer gweinyddwyr: Os nad oes gan eich sefydliad drwydded Ally, bydd y Gwirydd Hygyrchedd Ultra a Bwerir gan Ally ymlaen yn ddiofyn.
Os oes gan eich sefydliad drwydded Ally weithredol, nodwch fod y Gwirydd Hygyrchedd Ultra a Bwerir gan Ally yn ffurfweddiad newydd a'i fod wedi'i ddiffodd yn ddiofyn. Nid oes angen i chi droi'r gosodiad hwn ymlaen. Os byddwch yn troi'r gosodiad newydd hwn ymlaen, bydd eich Argaeledd Gwasanaeth Ally yn cael ei ddiffodd. Er mwyn osgoi problemau, argymhellwn beidio â throi Gwirydd Hygyrchedd Ultra a Bwerir gan Ally ymlaen.
