Graddau Cromlin

Weithiau, bydd perfformiad myfyrwyr yn is na’r disgwyl mewn praf. Gall hyfforddwyr ddewis addasu sgoriau'r myfyriwr ar yr asesiad i gael sgoriau cyfartal.

Un dull syml o grymu graddau yw ychwanegu’r un faint o bwyntiau a sgôr bob myfyriwr. Dull cyffredin: Canfyddwch y gwahaniaeth rhwng y gradd uchaf yn y dosbarth a’r sgôr uchaf posibl ac ychwanegwch y cyfanswm hwnnw o bwyntiau.

Enghraifft: Crymu sgôr prawf

• Os mai'r radd ganrannol uchaf yn y dosbarth oedd 88%, y gwahaniaeth yw 12%. Gallwch ychwanegu 12 pwynt canran at sgôr prawf pob myfyriwr.
• Os yw'r prawf yn werth 50 pwynt a'r sgôr uchaf yw 48 pwynt, y gwahaniaeth yw 2 bwynt. Gallwch ychwanegu 2 bwynt at sgôr prawf pob myfyriwr.

Mae dwy ffordd o grymu graddau yn Blackboard Learn:

• Dull 1: Lawrlwythwch golofn Canolfan Graddau'r prawf, defnyddiwch y cyfrifiadau cromlin priodol mewn rhaglen daenlen, a llwythwch y graddau i fyny a geir o ganlyniad i fewn i golofn Canolfan Graddau newydd.
• Dull 2: Â llaw, diystyrwch radd prawf wreiddiol pob myfyriwr.

Dull 1: Lawrlwytho Graddau, Addasu Sgoriau Prawf, a Llwytho i fyny i'r Ganolfan Graddau

Nid oes angen teipio graddau â llaw gyda'r dull hwn ac mae'n well ar gyfer dosbarthiadau mawr. Mae’r camau hyn yn defnyddio Microsoft^® Excel^® i addasu’r ffeil a lawrlwythwyd. Mae'r fformiwla syml yn ychwanegu pwyntiau at radd wreiddiol y prawf. Gallwch ddefnyddio fformiwlâu mwy cymhleth os oes angen.

Byddwch yn llwytho’r graddau wedi’u haddasu i fyny. Yna, newidiwch osodiadau’r golofn ar gyfer gradd gwreiddiol y prawf fel na chaiff ei gynnwys bellach yng nghyfamsymiau unrhyw raddau a gyfrifir. Defnyddir colofn y radd newydd wedi’i haddasu yn lle hynny. Cynhwysir cyfarwyddiadau ar gyfer y dasg hon yn y camau canlynol. Gallwch hefyd ddileu'r radd prawf wreiddiol o dudalennau Fy Ngraddau myfyrwyr.

Lawrlwytho Graddau

Cyn i chi ddechrau, nodwch yr ychydig o werthoedd cyntaf o golofn y cyfanswm. Ar ôl i chi lwytho colofn Canolfan Graddau newydd i fyny, gallwch wirio i sicrhau ei bod yn cael ei chynnwys yn gywir mewn cyfrifiadau.

1. Yng Ngwedd Canolfan Graddau Llawn, cyrchwch y ddewislen Gweithio All-lein a dewiswch Lawrlwytho.
2. Yn y dudalen Lawrlwytho Graddau yn yr adran Data, dewiswch Colofn a Ddewiswyd. Dewiswch enw’r golofn o’r ddewislen.
3. Yn yr adran Opsiynau, gosodwch y Math o Amffinydd i Tab.
4. Yn yr adran Cadw Lleoliad, dewiswch Fy Nghyfrifiadur.
5. Dewiswch Cyflwyno.
6. Dewiswch Lawrlwytho. Yn y ffenestr naid, dewiswch Cadw Ffeil a dewiswch Iawn. Nodwch enw'r ffeil a lleoliad. Os bydd y ffeil yn cadw'n awtomatig i'ch ffolder Lawrlwytho, gallwch ei symud i ffolder wahanol a'i hailenwi i'w gwneud yn haws dod o hyd iddi.

Addasu Sgoriau Prawf

1. Dewch o hyd i'r ffeil XLS roeddech wedi ei lawrlwytho a'i hagor yn Excel.
2. Cliciwch y gell gyntaf yn y golofn sydd yn uniongyrchol i'r dde o'r golofn graddau prawf. Teipiwch enw colofn y gallwch chi ei adnabod yn rhwydd pan fyddwch chi’n ei uwchlwytho i Ganolfan Graddau eich cwrs. Dewiswch enw sy’n wahanol i eraill yn y Ganolfan Graddau.
3. Dewiswch y gell sydd islaw teitl y golofn newydd a theipiwch fformiwla a fydd yn ychwanegu nifer penodol o bwyntiau at y radd prawf wreiddiol.

   Teipiwch y fformiwla hon, gan amnewid y nifer o bwyntiau y penderfynoch arnynt yn lle'r rhif 7.5: =D2+7.5

   
4. Pwyswch fysell Enter. Bydd y gell yn diweddaru i ddangos y radd prawf wreiddiol gyda'r pwyntiau ychwanegol wedi eu hychwanegu ati.
5. Pwyntiwch at gornel dde isaf y gell. Bydd y ddolen llenwi yn ymddangos (+).
6. Llusgwch y ddolen lenwi i'r gell olaf yn y golofn rydych am gopïo'r fformiwla iddi. Rhyddhewch y llygoden i gopïo'r fformiwla i'r celloedd a ddewiswyd a diweddarwch eu cynnwys gyda chyfansymiau'r pwyntiau newydd. Bydd y fformiwla'n adnabod yn awtomatig bod cynnwys y celloedd yn rhan o gyfres ac yn addasu'r fformiwla ar gyfer pob cell yn y golofn.
7. Yn Excel, dewiswch Cadw. Bydd neges naid yn ymddangos sy'n eich rhybuddio y gall cadw'r ffeil fel TXT dynnu rhai nodweddion. Dewiswch Parhau i gadw eich newidiadau i’r ffeil.

Llwythwch y Sgoriau a Addaswyd i fyny i'r Ganolfan Raddau

1. Dychwelwch i Ganolfan Graddau eich cwrs a chyrchwch y ddewislen Gweithio All-lein a dewiswch Uwchlwytho.
2. Dewiswch Pori Fy Nghyfrifiadur ac agorwch y ffeil XLS y gwnaethoch chi ei chadw yn Excel.
3. Pennwch y Math o Amffinydd i Awto.
4. Dewiswch Cyflwyno.
5. Ar y tudalen Cadarnhau Graddau a Lwythir i Fyny, sylwch nad oes gan y golofn wreiddiol unrhyw ddiweddariadau data a rhestrir eich colofn newydd ar gyfer ei llwytho i fyny. Dewiswch Cyflwyno.
6. Sgroliwch i ochr dde bellaf grid y Ganolfan Raddau i edrych ar y golofn newydd ei llwytho i fyny. Yn ôl rhagosodiad, dangosir y golofn newydd i fyfyrwyr yn Fy Ngraddau ac fe'i cynhwysir mewn cyfrifiadau Canolfan Graddau, fel y golofn cyfanswm.
7. Yn ôl rhagosodiad, gosodir Pwyntiau Posibl y golofn newydd i sero. Cyrchwch ddewislen pennyn y golofn a dewiswch Golygu Gwybodaeth Colofn. Teipiwch werth newydd ar gyfer Pwyntiau Posibl a dewiswchCyflwyno.

   Mae'n rhaid i werth y Pwyntiau Posibl fod yn gyfwerth â'r pwyntiau posibl o'r prawf gwreiddiol. Os byddwch yn defnyddio canrannau, rhaid i'r pwyntiau posibl fod yn hafal i 100.

8. Newidiwch y gosodiadau ar gyfer colofn y prawf gwreiddiol fel NAD yw'n cael ei chynnwys yng nghyfrifiadau'r golofn cyfanswm, ac NAD yw'n weladwy i fyfyrwyr. Cyrchwch ddewislen colofn wreiddiol y prawf a dewiswch Golygu Gwybodaeth am y Golofn.
9. Yn y dudalen Golygu Colofn yn yr adran Dewisiadau, dewiswch Na ar gyfer Cynnwys y Golofn hon yng Nghyfrifiadau’r Ganolfan Graddau -A- dewiswch Na ar gyfer Dangos y golofn hon i Fyfyrwyr. Dewiswch Iawn yn y ffenestr naid sy’n cadarnhau eich bod chi’n dymuno peidio cynnwys y golofn mewn unrhyw gyfrifon .

Gwiriwch un neu ddau o'r gwerthoedd cyntaf yn y golofn cyfanswm i wirio ei chyfrifiadau. Dylai'r gwahaniaeth rhwng y gwerthoedd gwreiddiol a nodoch cyn dechrau y broses a'r gwerthoedd newydd gynyddu gyda nifer y pwyntiau a ychwanegoch at bob sgôr prawf.

Rhagor ynghylch gweithio all-lein

Dull 2: Â llaw, diystyrwch radd prawf wreiddiol pob myfyriwr.

Os oes gennych nifer bach o raddau prawf i'w haddasu, gallwch wrthwneud sgoriau prawf un ar y tro yn y Ganolfan Raddau mewn dwy ffordd:

• Yn y Wedd Cwrs Gwreiddiol, rydym yn argymell y dylech chi bennu gradd gwrth-wneud o’r tab Gwrthwneud â Llaw yn y dudalen Manylion Graddau. Ar ôl neilltuo'r radd, gallwch ychwanegu adborth ar gyfer y defnyddiwr a nodiadau ar gyfer eich hun sy'n esbonio'r newid gradd. Bydd cofnod gennych o'r rheswm pam eich bod yn dewis gwrthwneud unrhyw ymgeisiau yn y dyfodol.

  -NEU-

• Teipiwch yn uniongyrchol mewn cell Canolfan Raddau i neilltuo gradd gwrthwneud ar gyfer ymgais prawf.

Rhagor am wrthwneud graddau