Mae'r wybodaeth hon yn berthnasol i'r Wedd Cwrs Gwreiddiol yn unig. Eich sefydliad sy'n rheoli pa offer sydd ar gael.

Man personol i fyfyrwyr gyfathrebu'n breifat gyda chi yw dyddlyfrau. Gall myfyrwyr ddefnyddio dyddiaduron fel adnodd myfyrio i fynegi eu barnau, eu syniadau a’u pryderon am y cwrs, neu i drafod a dadansoddi deunyddiau cwrs. Gallwch greu aseiniadau dyddlyfr sy'n eang ac wedi eu harwain gan fyfyrwyr wrth i'ch myfyrwyr fyfyrio ar y broses ddysgu a dogfennu newidiadau yn eu canfyddiadau ac agweddau. Gall myfyrwyr ddisgrifio problemau a wynebwyd a sut y gwnaethant eu datrys. Gallwch greu cofnodion dyddiadur dan arweiniad yr hyfforddwr hefyd. Mae’r rhain yn fwy ffurfiol eu natur ac maent yn cyfyngu ar yr hyn sydd i’w drafod trwy restru pynciau trafod.


Sut i ddefnyddio dyddiaduron

Mae dyddlyfrau'n ddelfrydol ar gyfer prosiectau unigol. Er enghraifft, mewn cwrs ysgrifennu creadigol, mae perchennog pob dyddlyfr yn creu cofnodion ac mae hyfforddwr yn gwneud sylwadau. Yn y modd hwn, gall myfyriwr fireinio adran o aseiniad ysgrifennu dros gyfnod o amser, gan ddefnyddio cyfarwyddyd ac awgrymiadau hyfforddwr. Gall myfyrwyr wneud sylwadau ar eu cofnodion eu hunain hefyd er mwyn parhau â’r sgwrs.

Gallwch ddewis gwneud cofnodion dyddlyfr yn gyhoeddus, gan ganiatáu i bob aelod o'r cwrs weld yr holl gofnodion. Er enghraifft, gallwch ddewis i wneud dyddlyfr yn gyhoeddus pan yn gofyn am farn ar sut i wella'r broses asesu. Gall myfyrwyr ddarllen yr hyn a ysgrifennodd myfyrwyr eraill ac adeiladu ar y syniadau hynny.

Pan y'i defnyddir ym maes y grŵp, gall aelodau grŵp edrych ar a gwneud sylwadau ar gofnodion ei gilydd ar gyfer dyddlyfr y grŵp. Gall y grŵp yn ei gyfanrwydd gyfathrebu gyda chi ac mae pob aelod yn buddio o'r sylwadau.

Gallwch raddio cofnodion dyddlyfr neu eu defnyddio'n unig ar gyfer cyfathrebu. Yn y naill enghraifft, gall myfyriwr wneud nifer o gofnodion ar gyfer un pwnc dyddlyfr.


Creu dyddiadur

Gallwch greu un dyddlyfr neu'n fwy ar gyfer eich myfyrwyr yn eich cwrs. Rhaid i chi greu pynciau blog cyn i myfyrwyr allu ychwanegu eu cofnodion.

  1. Ewch i Control Panel > Course Tools > Journals a dewiswch Create Journal.
  2. Teipiwch enw a chyfarwyddiadau (dewisol). Cyhoeddwch y dyddiadur fel ei fod ar gael i’r myfyrwyr.
  3. Dewiswch y blychau ticio Dangos Ar Ôl a Dangos Tan i alluogi'r dewisiadau dyddiad ac amser. Nid yw cyfyngiadau o ran pryd y bydd myfyrwyr yn gallu gweld y dyddiadur yn effeithio ar ei argaeledd.
  4. Yn adran Gosodiadau Dyddlyfrau dewiswchMisol neu Wythnosol. Gallwch ei gwneud yn bosibl i’r myfyrwyr olygu a dileu cofnodion a dileu sylwadau hefyd, os ydych yn dymuno gwneud hynny.
    • Os ydych yn dymuno, cliciwch Caniatáu i Ddefnyddwyr y Cwrs Weld y Dyddiadur. Os dewisir hynny, mae'r dyddlyfr yn dod yn gyhoeddus. Gall pob defnyddiwr edrych ar bob cofnod dyddlyfr a wnaethpwyd i bwnc y dyddlyfr.
  5. Yn adran Gosodiadau Graddio, dewiswch Dim graddio neu opsiwn Graddio a theipiwch nifer y Pwyntiau Posibl. Mae pwyntiau posibl yn gymwys ar gyfer un neu fwy o gofnodion gan ddefnyddiwr i bwnc y dyddlyfr. Pan fyddwch yn galluogi graddio, crëir colofn yn awtomatig yn y Ganolfan Raddio. Ni ellir atal y dyddiadur rhag cael ei farcio, ac ni allwch newid y gosodiadau i Dim graddio.

    Mwy o wybodaeth am farcio cofnodion mewn dyddiaduron

  6. Os mynnwch, dewiswch y blwch ticio ar gyfer Dangos cyfranogwyr yn statws angen graddio a dewiswch y nifer o gofnodion y mae ei angen. Os byddwch yn cymhwyso'r gosodiad hwn, bydd yr eicon Angen Graddio yn ymddangos yn y Ganolfan Raddau. Bydd y cynigion yn ymddangos yn y ciw ar y dudalen Angen Graddio ar ôl i weithgarwch myfyrwyr gwrdd â'r trothwy hwn.
  7. Yn ôl eich dewis, ychwanegwch ddyddiad dyledus.
  8. Ychwanegu cyfeireb os ydych chi’n dymuno gwneud hynny.
  9. Dewiswch Cyflwyno.

Mae pynciau’r dyddiadur i’w gweld yn nhrefn yr wyddor ar dudalen Dyddlyfrau Dewiswch deitl i drefnu’r cynnwys.

Mwy am y dudalen pynciau dyddlyfrau

Gallwch ychwanegu dolenni at ddyddlyfrau mewn meysydd cwrs hefyd, fel meysydd cynnwys a ffolderi.


Tudalen pynciau dyddlyfrau

Gallwch ddod i o hyd i dudalen dyddlyfrau fel a ganlyn:

  • Yn adnoddDyddlyfrau, agorwch ddyddiadur a dewiswch ddefnyddiwr o ddewislen Holl Aelodau'r Cwrs.
  • Ar dudalen Angen Graddio, ewch i ddewislen dyddlyfr a dewiswch Graddio Pob Defnyddiwr.
  • Yn y Ganolfan Raddau, lleolwch y golofn ar gyfer y dyddlyfr rydych am ei raddio. Hofranwch dros y gell ag eicon Angen Marcio i weld dewislen y dyddlyfr. Dewiswch Graddio Gweithgarwch Defnyddiwr.

Mae tudalen pynciau dyddlyfrau wedi'i rannu yn ddwy brif ran. Yn y ffrâm cynnwys, gallwch weld cofnodion dyddlyfrau. Ar y bar ochr, gallwch weld gwybodaeth am bwnc y dyddlyfr neu gofnod, ehangu’r Mynegai a marcio’r cofnod os yw’r dyddlyfr yn un y gallwch ei farcio. Gallwch ddewis enw unigol defnyddiwr er mwyn gweld cofnodion y person hwnnw yn unig yn y ffrâm cynnwys.

Os na welwch yr adnodd marcio ar y bar ochr, nid yw’ch sefydliad wedi ei droi ymlaen.

  1. Ar y bar ochr, gallwch ehangu adran Manylion y Dyddlyfr er mwyn gweld gwybodaeth am y dyddiadur a ddewisoch chi, gan gynnwys gwybodaeth am yr awdur a nifer y cofnodion a sylwadau. Pwyswch y symbol saeth sy’n pwyntio i’r dde i leihau maint y bar ochr, fel bod modd gweld mwy o gofnodion. Pwyswch y pedwar saeth i weld cofnodion y dyddiaduron ar sgrin lawn.
  2. Caiff Cyfarwyddiadau Dyddlyfrau eu hehangu yn ddiofyn. Gallwch eu lleihau. Dewiswch Aliniadau i ychwanegu aliniadau.
  3. Ar gyfer Holl Aelodau'r Cwrs, pwyswch ar y saeth sy’n pwyntio i lawr a byddwch yn gweld rhestr a bydd modd ichi ddewis aelod. Bydd cofnod yr aelod dewisedig yn ymddangos yn ffrâm y cynnwys. Defnyddiwch y saethau i'r chwith a'r dde i lywio i'r myfyriwr blaenorol neu nesaf. Dewiswch Dangos Dyddlyfrau Gwag i weld pa fyfyrwyr sydd heb gyfrannu.
  4. Yn achos dyddiaduron sy’n cael eu marcio, bydd eiconau yn dangos gweithgarwch defnyddiwr. Mae eicon Angen Graddio yn eich hysbysu bod y defnyddiwr wedi gwneud y lleiaf oedd yn ofynnol. Mae'r eicon Ar Waith yn ymddangos pan fydd gan ddefnyddiwr rywfaint o weithgarwch nad yw eto wedi bodloni'r lleiafswm nifer y mae ei angen i sbarduno'r statws angen graddio.
  5. Yn y bar ochr graddio, darparwch radd ac adborth ar gyfer myfyriwr.
  6. Mae Mynegai yn dangos teitlau’r cofnodion a grëwyd gan yr awdur yn ystod y cyfnod o amser dan sylw. Pwyswch y symbol minws i gau’r rhestr deitlau.

Creu cofnodion dyddlyfr

Gallwch chi a'ch myfyrwyr greu cofnodion dyddlyfr. Chi yw’r unig un sy’n cael gwneud sylwadau ar gofnodion preifat myfyrwyr. Gallwch chi ac aelodau grŵp wneud sylwadau ar gofnodion grŵp. Ar dudalen Dyddlyfrau, mae gwybodaeth am bob dyddlyfr. Gall myfyrwyr weld pwy sydd â’r hawl i weld eu cofnodion - neb, hwy a’r hyfforddwr yn unig, neu bawb.

  1. Ar dudalen Dyddlyfrau, dewiswch deitl dyddlyfr.
  2. Ar dudalen pwnc y dyddlyfr, dewiswch Creu Cofnod Dyddlyfr.
  3. Teipiwch deitl a chofnod.
  4. Dewiswch Pori fy Nghyfrifiadur i uwchlwytho ffeil o'ch cyfrifiadur. Gallwch hefyd ychwanegu ffeil o'r gronfa: Ffeiliau’r Cwrs neu’r Content Collection.

    -NEU-

    Llusgwch ffeiliau o'ch cyfrifiadur i'r "ddolen glicio" yn ardal Atodi Ffeiliau. Os yw'ch porwr yn caniatáu, gallwch hefyd lusgo ffolder o ffeiliau. Bydd y ffeiliau'n uwchlwytho'n unigol. Os nad yw'r porwr yn caniatáu i chi gyflwyno'ch aseiniad ar ôl i chi uwchlwytho ffolder, dewiswch Peidiwch ag atodi yn rhes y ffolder i'w dynnu. Gallwch lusgo'r ffeiliau'n unigol a'u cyflwyno eto.

    Ni fyddwch yn gallu llusgo ffeiliau i'w huwchlwytho os yw'ch sefydliad yn defnyddio fersiwn hŷn o Blackboard Learn.

    Gallwch ddefnyddio enw'r ffeil neu roi enw arall i'r ffeil.

  5. Dewiswch Postio'r Cofnod i gyflwyno’r cofnod neu dewiswch Cadw'r Cofnod fel Drafft i ychwanegu’r cofnod yn nes ymlaen.

Gweld drafftiau o gofnodion

I weld neu i ychwanegu drafftiau a arbedwyd, dewiswch Gweld Drafftiau ar dudalen Dyddlyfrau.


Gwneud sylw ar gofnod dyddlyfr

Gall dyddlyfr fod yn hanfodol ar gyfer rhyngweithio rhyngoch chi a'ch myfyrwyr, yn arbennig mewn cwrs seiliedig ar y we. Gall cofnodion myfyrwyr a'ch sylwadau helpu i adeiladu cydberthynas a chreu cyfnewid deallusol iach.

Gall myfyriwr wneud sylw ar ôl i chi wneud sylw ar gofnod er mwyn parhau gyda'r sgwrs. All myfyrwyr ddim gwneud sylwadau ar gofnod myfyriwr arall, hyd yn oed os ydych chi wedi gwneud y dyddlyfr yn gyhoeddus. Mae myfyrwyr ond yn gallu gwneud sylwadau ar gofnod myfyrwyr eraill os ydynt yn rhan o'r un grŵp. Ar gyfer dyddlyfrau grŵp, gallwch chi a holl aelodau'r grŵp wneud sylwadau ar gofnodion unigol.

  1. Ar dudalen Dyddlyfrau, dewiswch deitl dyddlyfr.
  2. Dewiswch y cofnod dyddlyfr trwy ddewis enw’r defnyddiwr yn y rhestr ar y bar ochr. Mae cofnod dyddlyfr y defnyddiwr yn agor yn y ffrâm gynnwys.
  3. Dewiswch Sylw islaw cofnod y defnyddiwr a theipiwch sylw.
  4. Pwyswch Ychwanegu
  5. I weld pob sylw, dewiswch ddolen Sylwadau.

Golygu a rheoli dyddlyfrau

Gallwch olygu priodweddau pwnc dyddlyfr sylfaenol, gan gynnwys yr enw, cyfarwyddiadau, argaeledd, a rhai gosodiadau. Gallwch hefyd olygu unrhyw gofnodion dyddlyfr defnyddiwr, a dileu pynciau a sylwadau dyddlyfr.

Ar dudalen Dyddlyfrau, ewch i ddewislen dyddiadur a pwyswch Golygu. Gwnewch eich newidiadau wedyn pwyswch Cyflwyno.

Dileu dyddlyfr

Os nad ydych angen blog bellach, gallwch ei dileu. Mae'r weithred ddileu yn barhaol ac ni allwch ei dad-wneud.

  1. Ar dudalen Dyddlyfrau, agorwch ddewislen dyddiadur a phwyswch Dileu.
  2. Dewiswch Iawn yn y rhybudd naid. Os yw’r dyddlyfr yn un y gellir ei farcio, bydd y dudalen Cadarnhau Dileu yn ymddangos a bydd yn gofyn ichi a ydych am ddileu’r Golofn Raddau sy’n gysylltiedig â’r dyddlyfr hwn:
    • Cadw colofn y Ganolfan Raddau (peidiwch â thicio’r blychau): Caiff y dyddlyfr ei ddileu, ond caiff colofn y Ganolfan Raddau a’r sgoriau a roddoch eu cadw. Er enghraifft, mae pob cofnod gan fyfyrwyr yn cael eu graddio ac rydych am gadw colofn y Ganolfan Raddau ar gyfer cyfrifiadau'r radd derfynol. Os byddwch yn dileu dyddlyfr, ond yn cadw colofn y Ganolfan Raddau, gallwch ddileu’r golofn honno o’r Ganolfan Raddau ar unrhyw adeg.
    • Dileu colofn y Ganolfan Raddau (dewis pa rai i’w dileu trwy dicio’r blychau): Caiff y golofn raddau yn y Ganolfan Raddau a’r dyddlyfr eu dileu. Er enghraifft, os dydych chi ddim am gynnwys y golofn raddau ar gyfer cofnodion dyddlyfr yn y marc terfynol, gallwch ddileu popeth.
  3. Dewiswch Tynnu i orffen dileu.

Ychwanegu dolen at ddyddlyfr i ddewislen y cwrs

Gallwch ychwanegu dolen i ddewislen y cwrs fel bod modd mynd i’r adnodd dyddlyfr yn syth. Gallwch hefyd bersonoli enw'r ddolen.

  1. Dewiswch y symbol plws uwchben dewislen y cwrs. Bydd dewislen Ychwanegu Eitem o'r Ddewislen yn ymddangos.
  2. Dewiswch Dolen Offer a theipiwch Enw ar gyfer y ddolen.
  3. O restr Math, dewiswch Dyddlyfrau.
  4. Dewiswch y blwch ticio Ar gael i Ddefnyddwyr.
  5. Dewiswch Cyflwyno.

Datrys problemau gyda rheoli dyddlyfrau

  • Os byddwch yn dileu dyddiadur tra bod defnyddwyr yn postio, caiff y dyddlyfr a’r holl sylwadau eu dileu.
  • Os byddwch yn cuddio dyddlyfr rhag defnyddwyr tra eu bod yn postio, bydd y dyddlyfr ar gael ichi ym Modd Golygu, ond fydd y defnyddwyr ddim yn gallu ei weld.
  • Os byddwch yn newid y gosodiadau i Caniatáu i Ddefnyddwyr Olygu a Dileu Cofnodion, bydd y cofnodion yn weladwy ond fydd dim modd eu golygu.
  • Os byddwch yn newid y gosodiadau i Caniatáu i Ddefnyddwyr Ddileu Sylwadau, bydd y sylwadau yn weladwy ond fydd dim modd i ddefnyddwyr eu dileu.
  • Os byddwch yn galluogi marcio dyddlyfrau, fydd dim modd ichi newid y gosodiad hwn wedyn. Dilëwch y dyddlyfr a'r golofn yn y Ganolfan Raddau er mwyn ei dileu. Os bydd angen y cofnodion dyddlyfr arnoch, ond nid y marciau, gallwch benderfynu peidio â chynnwys colofn y Ganolfan Raddau ar gyfer y dyddlyfr yng nghyfrifiadau’r Ganolfan Raddau.