Golygydd Mathemateg

Ble bynnag y gallwch ychwanegu a fformatio testun yn eich cwrs, gallwch lansio'r golygydd mathemateg i greu fformiwlâu mathemateg.

Caiff y golygydd mathemateg ei hysgrifennu gan WIRIS ac mae'n seiliedig ar safonau fel MathML ar gyfer cynrychiolaeth fewnol a fformat delweddau PNG ar gyfer arddangos fformiwlâu. Mae golygydd mathemateg yn seiliedig ar Javascript ac mae'n rhedeg ar unrhyw borwr a system weithredu, gan gynnwys ffonau clyfar a thabledi.

Yng ngolygydd y cwrs, dewiswch eicon Lansio'r Golygydd Mathemateg i agor ffenestr y golygydd WIRIS. Yn seiliedig ar ba wedd cwrs rydych yn ei weld, bydd gan eich golygydd un neu dair rhes o swyddogaethau.

I ddefnyddio'ch bysellfwrdd i neidio i far offer y golygydd, pwyswch ALT + F10. Ar Mac, pwyswch Fn + ALT + F10. Defnyddiwch fysellau'r saethau i ddewis opsiwn.


Ffenestr y golygydd mathemateg

Mae gennych fynediad at set gyfoethog o nodweddion:

  • Gweithrediadau sylfaenol
  • Calcwlws Matrics
  • Calcwlws a chyfres
  • Damcaniaeth rhesymeg a set
  • Unedau
  • Yr Wyddor Groegaidd
  • Tabl elfennau

I ddysgu mwy, dewiswch ddolen Llawlyfr yn y golygydd mathemateg i weld llawlyfr defnyddwyr gwefan WIRIS. Mae'r llawlyfr yn darparu rhestr o'r holl eiconau sydd ar gael yn y tabiau.


Nodweddion hygyrchedd

Mae nodweddion hygyrchedd golygydd WIRIS yn gwneud mathemateg yn hygyrch i bob defnyddiwr. Mae golygydd WIRIS yn manteisio ar nodweddion hygyrchedd porwyr gwe. Nid oes rhaid i ddefnyddwyr osod meddalwedd ychwanegol er mwyn cyflwyno cynnwys gyda fformiwlâu hygyrch.

Mwy ar arddangos fformiwlâu mathemateg hygyrch (gwefan WIRIS)

Mwy ar y bysellfwrdd yn unig a JAWS (gwefa WIRIS)