Eich sefydliad sy'n rheoli pa offer sydd ar gael yn y Wedd Cwrs Gwreiddiol. Mae aseiniadau ar gael i hyfforddwyr ar bob adeg yng Ngwedd Cwrs Ultra.

Cyn aseinio gwaith grŵp

Nid ydych eisiau i fyfyrwyr weld gweithgareddau grŵp fel gwaith prysur. Os nad yw gwaith grŵp yn gwella'ch amcanion dysgu ac yn darparu gwerth, ystyriwch dechnegau addysgu amgen. Dylech ddefnyddio gwaith grŵp dim ond ar gyfer prosiectau na all myfyrwyr unigol eu gwneud cystal ar eu pennau eu hunain a gorffen yn y cyfnod amser penodedig.

Mae ymchwil yn dangos bod myfyrwyr yn gweithio'n galetach pan fydd eraill yn dibynnu arnynt. I annog y gyd-ddibyniaeth hon, crëwch aseiniadau grŵp sy'n gofyn bod myfyrwyr yn rhannu'r gwaith er mwyn cwrdd â'r nod, yn cwestiynu a herio syniadau ei gilydd ac yn rhannu adborth ac anogaeth.

Cyn ymgorffori gwaith grŵp yn eich cwrs, ystyriwch y cwestiynau hyn:

  • A fydd gwaith grŵp yn ychwanegu at amcanion fy nghwrs?
  • Pa ddeunyddiau cyflwyniadol neu wybodaeth adnoddau grŵp allaf eu darparu i helpu myfyrwyr i lwyddo?
  • Sut ffurfir y grwpiau?
  • A fydd myfyrwyr yn ymwneud â chynllunio'r grwpiau?
  • Sut fyddaf yn asesu dysgu myfyrwyr a chynnal atebolrwydd unigol? A fydd angen deilliant grŵp arnaf?
  • Sut fyddaf yn ymdrin â phryderon a phroblemau?

Ffynhonnell: 1"44 Benefits of Collaborative Learning." gdrc.org n.d. Gwe. 3 Ion. 2014.

Creu aseiniadau grŵp

Ddim yn gyfarwydd i chi? Neidiwch i adran gymorth "Ultra" am fanylion ar greu aseiniadau grŵp.

Er mwyn sicrhau bod myfyrwyr yn rhyngweithio ac yn cydweithio, gallwch ddefnyddio offeryn grwpiau ac aseiniadau grŵp i feithrin awyrgylch rhyngweithiol ar-lein.

Mwy ar greu grwpiau

Gallwch greu aseiniad grŵp a’i ryddhau i un grŵp neu ragor yn eich cwrs. Mae pob grŵp yn cyflwyno un aseiniad cydweithrediadol ac mae pob aelod yn derbyn yr un radd. Gallwch greu aseiniad unigol a'i neilltuo i bob grŵp, neu greu sawl aseiniad unigryw a'u neilltuo i grwpiau unigol. Chi ac aelodau grŵp yw'r unig rai â mynediad at yr aseiniad.

Cyn i chi gychwyn

  • Rhaid bod grŵp cwrs yn bodoli cyn i chi greu aseiniadau grŵp ar ei gyfer.
  • Bydd myfyrwyr sydd wedi cofrestru mewn mwy nag un grŵp sy'n derbyn yr un aseiniad yn gallu cyflwyno mwy nag un ymgais ar gyfer yr aseiniad hwn. Efallai bydd angen i chi ddarparu gradd gyffredinol ar gyfer yr aseiniad i'r myfyrwyr hynny.
  • Ni fydd gan fyfyrwyr sydd wedi cofrestru ar yr adeg o gyflwyno aseiniad grŵp fynediad at y cyflwyniad hwnnw. Yr unig beth bydd y myfyrwyr hyn yn gallu gweld yw bod y cyflwyniad wedi digwydd.
  • Ni fydd myfyrwyr rydych yn eu tynnu o grŵp yn gallu gweld yr aseiniadau grŵp. Gallant gael mynediad at eu cyflwyniadau o Fy Ngraddau.
  • Os byddwch yn golygu'r aseiniad rhwng y dyddiad creu a'r dyddiad dyledus, mae'n bosib y bydd y grŵp cyfan yn colli unrhyw waith sydd eisoes ar y gweill.
  • Os byddwch yn dileu grŵp o'r aseiniad ar ôl i fyfyrwyr gychwyn ar ymgais ond cyn iddynt ei gyflwyno, byddant yn colli mynediad at yr aseiniad ac yn colli'u gwaith.

Rydych yn creu aseiniad grŵp bron yn yr un modd ag yr ydych yn creu aseiniadau i fyfyrwyr eu cwblhau'n unigol. Pan fyddwch yn creu aseiniad grŵp, caiff eitem ei chreu'n awtomatig yn y llyfr graddau. Gallwch greu aseiniadau grŵp mewn ardaloedd cynnwys, modiwlau dysgu, cynlluniau gwers a ffolderi. Bydd yr aseiniad grŵp yn ymddangos yn ardal y cwrs lle byddwch yn ei greu ac ar hafan y grŵp.

Ar y dudalen Creu Aseiniad, ehangwch adran Manylion Cyflwyno i gyflwyno aseiniad i'r grwpiau.

  1. Dewiswch Cyflwyniad Grŵp.
  2. Ym mlwch Eitemau i'w Dewis, dewiswch y grŵp neu grwpiau i dderbyn yr aseiniad hwn. Dewiswch y saeth tuag at y dde i symud y detholiad i flwch Eitemau a Ddewiswyd. I ddewis grwpiau lluosog ar unwaith ar gyfrifiadur Windows, pwyswch a dal bysell Shift a dewiswch pob grŵp. I ddewis grwpiau allan o drefn, pwyswch fysell Ctrl a dewiswch bob grŵp. Ar gyfer cyfrifiaduron Mac, pwyswch y fysell Command yn lle’r fysell Ctrl. Defnyddiwch swyddogaeth Dewis y Cwbl os ydych chi eisiau cynnwys pob grŵp.
  3. Dewiswch nifer yr ymgeisiau. Gallwch ganiatáu mwy nag un ymgais ar aseiniad grŵp.

ULTRA: Ynglŷn ag aseiniadau grŵp

Ddim yn gyfarwydd i chi? Neidiwch i'r adran gymorth "Gwreiddiol" am fanylion ar aseiniadau grŵp.

Mae dysgu cydweithredol yn cynnig sawl mantais dros addysgu traddodiadol. Mae astudiaethau'n dangos pan fydd myfyrwyr yn gweithio fel tîm, eu bod yn datblygu agweddau cadarnhaol, yn datrys problemau'n fwy effeithiol, ac yn profi gwell ymdeimlad o gyflawniad.

Rydych yn creu aseiniad grŵp bron yn yr un modd ag yr ydych yn creu aseiniadau i fyfyrwyr eu cwblhau'n unigol. Caiff eitemau'r Llyfr Graddau eu graddio'n awtomatig.

Os oes myfyrwyr â chymwysiadau mewn grŵp, bydd pob myfyriwr yn y grŵp hwnnw’n etifeddu’r cymhwysiad ar gyfer yr eitem honno. Er enghraifft, rydych chi'n creu aseiniad grŵp ac mae gan un aelod o'r grŵp gymhwysiad dyddiad cyflwyno. Nid yw gwaith y grŵp hwnnw yn cael ei farcio'n hwyr os ydynt yn cyflwyno ar ôl y dyddiad cyflwyno.

Rhagor ar gymwysiadau

Ar gyfer aseiniad grŵp neu brawf grŵp penodol, gallwch roi eithriad i grŵp unigol am fynediad estynedig yn unig. Ni chaniateir ymgeisiau lluosog ar gyfer asesiadau grŵp ar yr adeg hon.

Rhagor am eithriadau grŵp

Gall myfyrwyr gynnal cyfarfodydd rhithwir ag aelodau eraill o'r grŵp os yw Collaborate Ultra ar gael yn eich cwrs a'ch bod yn galluogi sgyrsiau ar gyfer yr aseiniad.

Mwy ar ddefnyddio Collaborate Ultra yn eich cwrs


ULTRA: Creu aseiniad grŵp

Ddim yn gyfarwydd i chi? Neidiwch i'r adran gymorth "Gwreiddiol" am fanylion ar greu aseiniadau grŵp.

Ar dudalen Aseiniad Newydd, dewiswch eicon Gosodiadau i agor panel Gosodiadau'r Aseiniad. Rhowch ddyddiad dyledus a dewiswch y gosodiadau rydych eisiau eu defnyddio gyda'r aseiniad grŵp:

Ar hyn o bryd, ni allwch greu aseiniad grŵp gydag ymgeisiau lluosog, terfyn amser neu enwau cudd. Ni allwch hefyd ychwanegu cwestiynau, graddio’n ddienw, neu alluogi graddio cyfochrog.

Dewiswch Aseinio i grwpiau.

Creu grwpiau

Ar y dudalen grwpiau, bydd rhestr rannol o'ch myfyrwyr yn ymddangos yn adran Myfyrwyr heb eu Neilltuo. Dewiswch Dangos y Cwbl i weld y rhestr gyfan. Gallwch greu mwy nag un grŵp a chyflwyno'r aseiniad i'r grwpiau hyn. Gallwch hefyd ddewis y plws o dan y rhestr o fyfyrwyr i greu grŵp personol ac ychwanegu myfyrwyr ato.

Gall eich cynorthwyydd addysgu greu a rheoli cofrestriadau grwpiau. Gall eich graddwyr raddio aseiniadau grŵp yn unig.

Ni fydd gan fyfyrwyr heb eu pennu i grŵp fynediad at yr aseiniad grŵp oherwydd ni fydd yn ymddangos ar eu tudalennau Cynnwys y Cwrs. Os ydych yn gofyn i fyfyrwyr hunan-gofrestru mewn grŵp, ni allant gael mynediad at yr aseiniad nes eu bod yn ymuno â grŵp.

Gallwch ddosbarthu’ch myfyrwyr rhwng grwpiau yn y ffyrdd hyn:

Grwpiau personol

Gallwch greu cymaint o grwpiau ag y dymunwch, ag unrhyw nifer o fyfyrwyr ym mhob grŵp. Gallwch hefyd greu grwpiau newydd neu dynnu grwpiau yn seiliedig ar sawl grŵp rydych eisiau ar gyfer yr aseiniad hwn.

  1. Yn y ddewislen Grwpio Myfyrwyr, dewiswch Personol.
  2. Dewiswch enw pob myfyriwr er mwyn eu dewis ar yr un pryd. Dewiswch enw’r myfyriwr eto i ddiddymu’r dewis.
  3. Ar ôl ichi ddewis y myfyrwyr, agorwch y ddewislen nesaf at un o'u henwau a dewiswch Creu grŵp newydd.
  4. Golygwch enw'r grŵp os ydych eisiau newid yr enw diofyn.
  5. Ychwanegwch ddisgrifiad grŵp dewisol.

Dewiswch yr arwydd plws lle bynnag rydych eisiau ychwanegu grŵp arall. Gallwch hefyd ail-wneud camau 2-4.

Gallwch hefyd symud mwy nag un myfyriwr i grŵp a restrir yn y ddewislen. Ni allwch symud myfyrwyr i grŵp â gwaith wedi’i gyflwyno.

Pennu ar hap

Bydd myfyrwyr yn cael eu pennu ar hap i'r nifer o grwpiau rydych eisiau eu creu.

  1. Yn y ddewislen Grwpio myfyrwyr, dewiswch Pennu ar hap.
  2. Yn y ddewislen Nifer y Grwpiau, dewiswch y nifer o grwpiau i'w creu. Pennir myfyrwyr yn gyfartal ymhlith nifer y grwpiau a ddewiswch. I dynnu'r holl fyfyrwyr o grwpiau, dewiswch Dad-bennu'r Cwbl ar dop y dudalen. Bydd y gosodiad yn newid i Personol os byddwch yn symud myfyrwyr i wahanol grwpiau ar ôl iddynt gael eu grwpio a chyn i chi gadw'r gosodiadau.
  3. Golygwch enw pob grŵp os ydych eisiau newid yr enwau diofyn.
  4. Ychwanegwch ddisgrifiadau grŵp dewisol.

Dewiswch yr arwydd plws lle bynnag rydych eisiau creu grŵp yn ychwanegol at y grwpiau a grëwyd gan y system.

Hunan-gofrestru

Gallwch ofyn i fyfyrwyr hunan-gofrestru mewn grwpiau i gwblhau aseiniad grŵp. Ond myfyrwyr sy’n gallu ymuno â’r grŵp.

Mae myfyrwyr yn gweld yr aseiniad grŵp ar y dudalen Cynnwys y Cwrs a dolen i gofrestru. Gallwch ychwanegu cyfnod cofrestru hefyd. Rhoddir gwybod i'r myfyrwyr pan fydd y dyddiad olaf i gofrestru yn nesáu. Pan fydd y cyfnod cofrestru yn dod i ben, ni all myfyrwyr ymuno â grwpiau bellach ac mae rhaid iddynt ofyn i chi eu hychwanegu atynt. Gallwch hefyd ychwanegu myfyrwyr nad ydynt wedi’u cofrestru i’r grwpiau y dewiswch.

Os ydych eisiau cyhoeddi’r aseiniad grŵp yn y dyfodol, ni all myfyrwyr gael mynediad at y cynnwys, ond gallant ymuno â grŵp.

Ni allwch ychwanegu neu newid aelodaeth mewn grwpiau â gwaith wedi’i gyflwyno.

Ar y dudalen grwpiau, gallwch greu cymaint o grwpiau ag y dymunwch, ag unrhyw nifer o fyfyrwyr ym mhob grŵp. Gallwch hefyd greu grwpiau newydd neu dynnu grwpiau yn seiliedig ar sawl grŵp rydych eisiau ar gyfer yr aseiniad hwn. Mae rhaid ichi greu o leiaf dau grŵp hunan-gofrestru.

Bydd rhestr rannol o'ch myfyrwyr yn ymddangos yn yr adran Myfyrwyr heb eu Neilltuo. Dewiswch Dangos y Cwbl i weld y rhestr gyfan.

  1. Yn y ddewislen Grwpio myfyrwyr, dewiswch Hunan-gofrestru.
  2. Yn y ddewislen Nifer y Grwpiau, dewiswch y nifer o grwpiau i'w creu.
  3. Fel arall, ychwanegwch ddyddiad cychwyn a gorffen cofrestru. Dewiswch y saeth nesaf at Opsiynau uwch i gwympo’r adran cofrestru.
  4. Yn ôl eich dewis, newidiwch neu cliriwch yr uchafswm o aelodau mewn grŵp. Y nifer sy’n ymddangos yn ddiofyn yw’r nifer uchaf yn y detholiad yn y ddewislen Nifer y Grwpiau. Mae rhaid i’r uchafswm dewisol fod yn 2 neu’n fwy. Gallwch wrthwneud y nifer hwnnw ar gyfer grŵp. Er enghraifft, gallwch ychwanegu myfyriwr newydd gofrestru os nad oes gan y grŵp waith wedi’i gyflwyno. I ganiatáu nifer diderfyn o aelodau mewn grŵp, gadewch hyn yn wag. Mae myfyrwyr yn gweld yr uchafswm a ganiateir pan fyddant yn dewis eu grwpiau. Os ydych yn caniatáu nifer diderfyn mewn grŵp, bydd myfyrwyr yn gweld y cyfanswm o fyfyrwyr yn y dosbarth. Er enghraifft, os ydych wedi gosod pedair taith, gallwch ganiatáu i fyfyrwyr ymuno â phob grŵp.
  5. Dewiswch y blwch ticio Cuddio aelodau a gofrestrwyd os nad ydych eisiau i fyfyrwyr weld pwy sydd wedi ymuno yn barod.
  6. Golygwch enw pob grŵp os ydych eisiau newid yr enwau diofyn.
  7. Ychwanegwch ddisgrifiadau grŵp dewisol. Os yw pob grŵp yn gweithio ar bwnc gwahanol neu’n cyfarfod am amser penodol neu mewn lleoliad penodol, ychwanegwch y wybodaeth honno i helpu myfyrwyr i ddewis grŵp.
  8. Agorwch y ddewislen nesaf at grŵp i gyrchu'r gosodiadau rheoli.
  9. Dewiswch yr arwydd plws lle bynnag rydych eisiau ychwanegu grŵp arall.

Byddwch yn ofalus wrth wneud newidiadau ar ôl i fyfyrwyr ddechrau ymuno â grwpiau. Os ydych wedi creu pedwar grŵp â theitl, ac wedyn yn defnyddio'r ddewislen a’i newid i chwe grŵp, tynnir eich grwpiau blaenorol. Crëir chwe grŵp newydd a dadgofrestrir myfyrwyr. Fodd bynnag, gallwch newid dyddiadau cofrestru heb dynnu grwpiau neu gofrestriadau.

Grwpiau hunan-gofrestru yn y llyfr graddau

Ar ôl ichi greu grwpiau hunan-gofrestru, bydd pob grŵp yn ymddangos ag eicon gofynnod ar y dudalen Cyflwyniadau yn y llyfr graddau. Ar ôl i fyfyrwyr ymuno â grwpiau, dewiswch ddolen yr aelodau i ddangos neu guddio'r rhestr.

Ailddefnyddio grwpiau

Eisiau ailddefnyddio grwpiau o asesiad neu drafodaeth flaenorol? Dewiswch yr enw i ddefnyddio'r grwpiau hynny gyda’r aseiniad newydd.

Ar yr adeg hon, ni fydd grwpiau cwrs rydych wedi'u creu yn ymddangos fel grwpiau i ddewis o'u plith.

  1. Yn y ddewislen Grwpio Myfyrwyr, dewiswch deitl o'r adran Ailddefnyddio grwpiau.
  2. Caiff yr un myfyrwyr eu hychwanegu at eich aseiniad newydd. Gallwch symud myfyrwyr rhwng grwpiau yn ôl yr angen. Ni fydd y newidiadau'n effeithio ar y grŵp gwreiddiol gopïoch.
  3. Golygwch enwau'r grwpiau unigol yn ôl yr angen.
  4. Ychwanegwch ddisgrifiadau grŵp dewisol.

Efallai bydd angen ichi ychwanegu myfyrwyr newydd a ychwanegwyd at eich cwrs at eich grwpiau newydd.

Dysgu am wedd myfyrwyr o hunan-gofrestru mewn grwpiau—defnyddiwch swyddogaeth yn ôl eich porwr i ddychwelyd i'r pwnc hwn


ULTRA: Rheoli grwpiau unigol

Ar ôl i chi greu aseiniad grŵp, gallwch ychwanegu neu ddileu grwpiau unigol a rheoli pa fyfyrwyr sy'n aelodau ohonynt. Gallwch hefyd olygu enwau grwpiau, ychwanegu neu olygu disgrifiadau grwpiau, ac anfon negeseuon at eich grwpiau er mwyn cychwyn y cydweithio!

Ni allwch ychwanegu neu newid aelodaeth mewn grwpiau â gwaith wedi’i gyflwyno.

Ychwanegu a dileu grwpiau

Dewiswch yr arwydd plws lle bynnag rydych eisiau ychwanegu grŵp.

Os nad oes angen grŵp arnoch bellach, agorwch ddewislen y grŵp a dewiswch Dileu Grŵp. Bydd y myfyrwyr yn y grŵp hwnnw yn cael eu dad-bennu'n awtomatig a byddant yn ymddangos ar frig y dudalen. Gallwch aseinio'r myfyrwyr hyn i grwpiau newydd â llaw. Neu, gallwch aseinio'r holl fyfyrwyr ar hap—nid y myfyrwyr dad-bennoch yn unig—i'r nifer o grwpiau rydych eisiau. Ni allwch ddileu grŵp â gwaith wedi’i gyflwyno.

Rheoli aelodaeth myfyrwyr

Os nad yw grwpiau wedi cyflwyno gwaith, gallwch symud myfyrwyr rhwng grwpiau ac ychwanegu myfyrwyr newydd a ychwanegwyd at eich cwrs. Bydd unrhyw aelodau newydd o'r grŵp yn gallu cael mynediad at y gwaith a gadwyd gan y grŵp hyd at yr adeg honno. Mae aelodau newydd o'r grŵp hefyd yn gallu cyflwyno gwaith ar ran y grŵp.

Agorwch ddewislen nesaf at enw myfyriwr i gyrchu'r opsiynau hyn:

  • Dechrau grŵp newydd gyda'r myfyriwr fel aelod.
  • Dewiswch Dad-bennu i dynnu'r myfyriwr o'r grŵp. Bydd y myfyrwyr a dad-bennwyd yn ymddangos ar dop y dudalen. Neges Atgoffa: Ni fydd gan unrhyw fyfyriwr heb ei bennu i grŵp fynediad at yr aseiniad grŵp oherwydd ni fydd yn ymddangos ar eu tudalen Cynnwys y Cwrs.
  • Pennu'r myfyriwr i grŵp arall sydd eisoes yn bodoli. Dewiswch enw'r grŵp yn y ddewislen. Ar gyfer grwpiau hunan-gofrestru, gallwch symud myfyrwyr a ddetholwyd i grwpiau eraill, hyd yn oed os yw'r nifer o aelodau’n uwch na’r terfyn.

Gallwch hefyd symud mwy nag un myfyriwr i grŵp gwahanol gydag un weithred, creu grŵp newydd ar eu cyfer, neu dad-bennu'r cwbl o'r grŵp.

I dynnu'r holl fyfyrwyr o bob grŵp, dewiswch Dad-bennu'r Cwbl ar dop y dudalen. Bydd Dad-bennu'r Cwbl yn diflannu ar ôl i grwpiau gyflwyno ymgeisiau.

Os ydych yn newid y nifer o grwpiau hunan-gofrestru, crëir grwpiau newydd, a dad-bennir pob aelod. Ni roddir gwybod i fyfyrwyr sydd wedi cofrestru yn flaenorol bod rhaid iddynt gofrestru eto.


ULTRA: Mae aseiniadau grŵp yn ymddangos ar y dudalen Cynnwys y Cwrs

Gallwch weld faint o grwpiau y neilltuoch ac agor y ddolen i weld yr aelodau. Os ydych wedi galluogi sgyrsiau grŵp, bydd eicon gweithgaredd yn ymddangos ar gyfer gweithgaredd newydd.


ULTRA: Barod i raddio?

Gallwch chi roi un gradd i bob grŵp neu gallwch roi gradd i fyfyrwyr am eu cyfraniadau unigol.

Rhagor ynghylch graddio aseiniad grŵp


ULTRA: Llif gwaith myfyriwr

Ar y dudalen Cynnwys y Cwrs, gall myfyrwyr weld enwau eu grwpiau wedi’u rhestru gydag aseiniad y grŵp. Pan fyddant yn cyrchu aseiniad y grŵp, gallant weld aelodau eu grŵp. Gall pob aelod o’r grŵp olygu a diweddaru’r drafft a gadwyd yn aseiniad y grŵp.

Ni fydd gan fyfyrwyr heb eu pennu i grŵp fynediad at yr aseiniad grŵp oherwydd ni fydd yn ymddangos ar eu tudalennau Cynnwys y Cwrs.

Os fydd Hunan-gofrestru i gymryd rhan yn ymddangos dan deitl aseiniad grŵp, bydd myfyrwyr yn dewis y ddolen i ddewis grŵp. Efallai bydd myfyrwyr yn gweld cyfnod cofrestru os ychwanegoch un. Mae rhaid i fyfyrwyr ymuno â grŵp cyn y dyddiad olaf. Os nad ydynt wedi ymuno â grŵp, rhoddir gwybod i fyfyrwyr pan fydd y dyddiad olaf i gofrestru yn nesáu.

Cyflwyno aseiniad grŵp

Efallai y bydd rhai myfyrwyr yn bryderus ynghylch agor aseiniad grŵp. Efallai y byddant yn meddwl bod rhaid iddynt gyflwyno aseiniad y grŵp os byddant yn ei agor. Efallai y byddwch am ddweud wrth fyfyrwyr pan fyddant yn dewis Gweld yr aseiniad , eu bod yn gallu gweld yr asesiad neu ychwanegu ychydig o waith yn unig.

Gall aelodau’r grŵp ychwanegu gwaith, cadw drafft a chaniatáu i aelodau eraill weithio arno hefyd. Ar ôl i aelod o’r grŵp weld yr aseiniad neu ychwanegu ychydig o waith, mae’r aelod yn dewis Cadw a Chau yn y panel. Bydd ei waith ar ran y grŵp yn cael ei gadw ond ni fydd yn cael ei gyflwyno. Gall aelod arall o’r grŵp barhau i weithio ar yr aseiniad yn ddiweddarach. Mae pawb yn y grŵp yn gallu olrhain fersiwn diweddaraf y gwaith.

Pan fydd y gwaith yn barod, dim ond un myfyriwr yn y grŵp sydd angen ei gyflwyno ar ran y grŵp.

Rhagor am lif gwaith myfyrwyr